ଖୋର୍ଦ୍ଧା,୧୯।୩(ପ୍ରଭାତ ପାଣିଗ୍ରାହୀ) : ଖୋର୍ଦ୍ଧାରେ ଖଣି ଖାଦାନ ଉପରେ ବଡ ଧରଣର ଚଢାଉ ହୋଇଛି। ଖୋର୍ଦ୍ଧା ଜିଲା ମିଳିତ ଟ୍ରାକ୍ସ ଫୋର୍ସ ଆଦର୍ଶ ଥାନା ଅନ୍ତର୍ଗତ ଶରଧାପୁରରେ ଚଢ଼ାଉ ହୋଇ ୩୦ରୁ ଊଦ୍ଧର୍ବ ଖଣିରେ ବ୍ୟବହୃତ ଗାଡି ଜବତ ହୋଇଛି।
ଏଥିରେ ୫ଟି ହାଇୱା, ୨ଟି ଜେସିବି, ୯ଟି ୪୦୭, ଟ୍ରାକ୍ଟର ୬ଟି, ବାଇକ-୧୦ଟି ଏବଂ ପାୱାର ଟିଲର -୮ଟି ଜବତ ହୋଇଛି। ମଙ୍ଗଳବାର ବିଳମ୍ବିତ ରାତିରେ ଖୋର୍ଦ୍ଧା ପୋଲିସ, ରାଜସ୍ବ, ପରିବହନ ବିଭାଗ, ଖଣି ନିଗମ ପକ୍ଷରୁ ମିଳିତ ଭାବେ ଏହି ଚଢାଉ କରିଥିଲେ। ପ୍ରାୟ ୩ପ୍ଳାଟୁନ ଫୋର୍ସ ମୁତୟନ ହୋଇଥିଲେ। ନିକଟରେ ଡିଜିପି ବେଆଇନ ଭାବେ ଚାଲିଥିବା ଖଣି ଖାଦାନ ଉପରେ ଚଢଉ ପାଇଁ ସମସ୍ତ ଏସପି ନିର୍ଦ୍ଦେଶ ଦେଇଥିଲେ। ଜିଲାପାଳଙ୍କ ଅଧ୍ୟକ୍ଷତାରେ ସମସ୍ତ ବିଭାଗକୁ ଏକ ଯୁଗ୍ମ ଟାକ୍ସ ଫୋର୍ସ ଗଠନ ହୋଇଥିଲା। ଏହି ଟିମ ବିଭିନ୍ନ ଖଣିରେ ଚଢଉ ଆରମ୍ଭ କରିଛି।
