ନୂଆଦିଲ୍ଲୀ,୧୯ ।୧: ଭାରତୀୟ ରିଜର୍ଭ ବ୍ୟାଙ୍କ(ଆରବିଆଇ)ର ପୂର୍ବତନ ଗଭର୍ନର ରଘୁରାମ ରାଜନ ପୁଣିଥରେ ରାହୁଲ ଗାନ୍ଧୀଙ୍କର ପ୍ରଶଂସା କରିଛନ୍ତି । ରାଜନ କହିଛନ୍ତି ରାହୁଲ ଗାନ୍ଧୀ ସ୍ମାର୍ଟ ନେତା ପପୁ ନୁହେଁ । ରାଜନ ଗତମାସରେ ରାଜସ୍ଥାନରେ ଚାଲିଥିବା କଂଗ୍ରେସର ଭାରତ ଯୋଡୋ ଯାତ୍ରାରେ ସାମିଲ ହୋଇଥିଲେ । ସେ ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ପପୁ କହିବା ଦୁର୍ଭାଗ୍ୟଜନକ ବୋଲି କହିଥିଲେ ।
ଏକ ସାକ୍ଷାତ୍କାରରେ ରାଜନ କହିଥିଲେ, ମୋତେ ଲାଗୁଛି ରାହୁଲଙ୍କ ଛବି ଦୁର୍ଭାଗ୍ୟପୂର୍ଣ୍ଣ । ରାହୁଲ କୌଣସି ପ୍ରକାରେ ପପୁ(ମୁର୍ଖ) ନୁହଁନ୍ତି । ସେ ଜଣେ ସ୍ମାର୍ଟ, ଯୁବା ଓ ଜିଜ୍ଞାସୁ ବ୍ୟକ୍ତି । ପ୍ରାଥମିକତା କ’ଣ, ଅନ୍ତର୍ନିିହିତ ବିପଦ ଏବଂ ସେଗୁଡିକର ମୂଲ୍ୟାଙ୍କନ କରିବାର କ୍ଷମତାର ଏକ ଭଲ ବୁଝିବା ଶକ୍ତି ହେବା ଜରୁରୀ ଆଉ ରାହୁଲ ଏସବୁ ପାଇଁ ସକ୍ଷମ ।
