ନୂଆଦିଲ୍ଲୀ,୧୮।୨: କଂଗ୍ରେସ ନେତା ରାହୁଲ ଗାନ୍ଧୀ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ‘X’ରେ ଏକ ପୋଷ୍ଟ ମାଧ୍ୟମରେ କେନ୍ଦ୍ର ସରକାର ନିର୍ବାଚନ କମିଶନରଙ୍କ ଚୟନ ପ୍ରକ୍ରିୟାରେ ହସ୍ତକ୍ଷେପ କରୁଥିବା ଅଭିଯୋଗ କରିଛନ୍ତି। ସେ କହିଛନ୍ତି ଯେ ନିର୍ବାଚନ କମିଶନର ଏବଂ ମୁଖ୍ୟ ନିର୍ବାଚନ କମିଶନରଙ୍କ ନିଯୁକ୍ତି ସମ୍ପର୍କିତ କମିଟିର ବୈଠକ ସମୟରେ ସେ ପ୍ରଧାନମନ୍ତ୍ରୀ ଏବଂ ସ୍ବରାଷ୍ଟ୍ର ମନ୍ତ୍ରୀଙ୍କୁ ଏକ ଭିନ୍ନ ମତାମତ ନୋଟ ପ୍ରଦାନ କରିଥିଲେ। ଏହି ନୋଟରେ ରାହୁଲ ଗାନ୍ଧୀ ସ୍ପଷ୍ଟ ଭାବରେ କହିଛନ୍ତି , ନିର୍ବାଚନ କମିଶନରଙ୍କ ସ୍ବାଧୀନତା, ବିଶେଷକରି ନିର୍ବାଚନ କମିଶନର ଏବଂ ମୁଖ୍ୟ ନିର୍ବାଚନ କମିଶନରଙ୍କ ନିଯୁକ୍ତି ପ୍ରକ୍ରିୟା, ସରକାରୀ ହସ୍ତକ୍ଷେପରୁ ମୁକ୍ତ ହେବା ଉଚିତ୍।
ରାହୁଲ ଗାନ୍ଧୀ ଏହା ମଧ୍ୟ ଦାବି କରିଛନ୍ତ, ମୋଦି ସରକାର ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ଉଲ୍ଲଂଘନ କରିଛନ୍ତି ଏବଂ ଭାରତର ମୁଖ୍ୟ ବିଚାରପତିଙ୍କୁ ଏହି ଚୟନ କମିଟିରୁ ବାହାର କରିଛନ୍ତି। ଏହି କାରଣରୁ ନିର୍ବାଚନ ପ୍ରକ୍ରିୟାର ସ୍ବଚ୍ଛତା ନେଇ ଭୋଟରଙ୍କ ଚିନ୍ତା ଆହୁରି ବଢ଼ିଯାଇଛି। ସେ ଏହା ମଧ୍ୟ କହିଛନ୍ତି , ଏହା ସରକାରଙ୍କ ଦାୟିତ୍ୱରୁ ଖସିଯିବା ପାଇଁ ଏକ ପ୍ରୟାସ ଏବଂ ଗଣତାନ୍ତ୍ରିକ ପ୍ରତିଷ୍ଠାନର ମର୍ଯ୍ୟାଦାର ଉଲ୍ଲଂଘନ।
କଂଗ୍ରେସ ନେତା ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ବିରୋଧୀ ଦଳ ନେତା (LoP) ଭାବରେ, ବାବାସାହେବ ଆମ୍ବେଦକର ଏବଂ ଆମ ଦେଶର ପ୍ରତିଷ୍ଠାତା ନେତାମାନଙ୍କ ଆଦର୍ଶକୁ ଅନୁସରଣ କରି ସରକାରଙ୍କୁ ଦାୟୀ କରିବା ତାଙ୍କର କର୍ତ୍ତବ୍ୟ। ସେ ଅଭିଯୋଗ କରିଛନ୍ତି ଯେ ସମଗ୍ର ପ୍ରକ୍ରିୟାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରାଯାଇଛି ଏବଂ ମାତ୍ର ୪୮ ଘଣ୍ଟା ମଧ୍ୟରେ ଏହାର ଶୁଣାଣି ହେବ। ଏପରି ପରିସ୍ଥିତିରେ, ପ୍ରଧାନମନ୍ତ୍ରୀ ଏବଂ ସ୍ବରାଷ୍ଟ୍ର ମନ୍ତ୍ରୀ ମଧ୍ୟରାତ୍ରିରେ ନିର୍ବାଚନ କମିଶନରଙ୍କ ଚୟନ ସମ୍ପର୍କରେ ନିଷ୍ପତ୍ତି ନେବା ଅନୁଚିତ୍।
During the meeting of the committee to select the next Election Commissioner, I presented a dissent note to the PM and HM, that stated: The most fundamental aspect of an independent Election Commission free from executive interference is the process of choosing the Election… pic.twitter.com/JeL9WSfq3X
— Rahul Gandhi (@RahulGandhi) February 18, 2025
