ନୂଆଦିଲ୍ଲୀ,୨୫।୩: କଂଗ୍ରେସ ନେତା ରାହୁଲ ଗାନ୍ଧୀ ମାନହାନି ମାମଲାରେ ଦୋଷୀ ସାବ୍ୟସ୍ତ ହୋଇ ୨ ବର୍ଷ ଜେଲ ଦଣ୍ଡାଦେଶ ପାଇବାର ଗୋଟିଏ ଦିନ ପରେ ଶୁକ୍ରବାର ତାଙ୍କର ସଦସ୍ୟତା ପଦ ରଦ୍ଦ କରାଯାଇଛି। ଏହି ନିଷ୍ପତ୍ତିକୁ ନେଇ କଂଗ୍ରେସ ଓ ବିରୋଧୀ ଦଳର ସମସ୍ତ ନେତା ବିରୋଧ କରିଛନ୍ତି। ବର୍ତ୍ତମାନ ଲୋକ ସଭା ସଦସ୍ୟତା ରଦ୍ଦ ପ୍ରସଙ୍ଗରେ ରାହୁଲ ଗାନ୍ଧୀଙ୍କୁ ଆମେରିକୀୟ ଏମ୍ପି ରୋ ଖାନ୍ନାଙ୍କ ସମର୍ଥନ ମଧ୍ୟ ମିଳିଛି। ସେ ଏହି ନିଷ୍ପତ୍ତିକୁ ଗାନ୍ଧୀବାଦି ଦର୍ଶନ ଏବଂ ଭାରତର ଗଭୀର ମୂଲ୍ୟବୋଧକର ବିଶ୍ୱାସଘାତକତା ବୋଲି କହିଛନ୍ତି। ଏଥିସହ ଏହି ନିଷ୍ପତ୍ତି ପ୍ରତ୍ୟାହାର କରିବାକୁ ଆମେରିକୀୟ ଏମ୍ପି ରୋ ଖାନ୍ନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଦାବି କରିଛନ୍ତି। ମାର୍ଚ୍ଚ ୨୩ରେ ରାହୁଲ ଗାନ୍ଧୀଙ୍କୁ ସୁରଟ କୋର୍ଟ ଦୁଇ ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ।
