ଜ୍ୟୋତିଷ ଶାସ୍ତ୍ରରେ ରାହୁ ଏବଂ କେତୁଙ୍କୁ ଛାୟା ଗ୍ରହ ସହିତ ଅତ୍ୟନ୍ତ ପ୍ରଭାବଶାଳୀ ଗ୍ରହ ଭାବେ ବିବେଚନା କରାଯାଏ। ଏହି ଦୁଇ ଗ୍ରହଙ୍କ ପ୍ରଭାବ ବ୍ୟକ୍ତିଙ୍କ ଜୀବନରେ ହଠାତ ବଡ଼ ପରିବର୍ତ୍ତନ ଆଣିପାରେ। ଏମାନଙ୍କ ସ୍ଥିତି ଅନୁକୂଳ ଥିଲେ ବ୍ୟକ୍ତିଙ୍କୁ ଅପ୍ରତ୍ୟାଶିତ ଲାଭ ତଥା ସଫଳତା ମିଳିଥାଏ; ଅନ୍ୟପକ୍ଷରେ ଅଶୁଭ ସ୍ଥିତିରେ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ। ଏହି କାରଣରୁ ରାହୁ-କେତୁଙ୍କ ଚଳନ ଏବଂ ନକ୍ଷତ୍ର ପରିବର୍ତ୍ତନକୁ ଜ୍ୟୋତିଷ ଦୃଷ୍ଟିକୋଣରୁ ବେଶ ଗୁରୁତ୍ୱପୂର୍ଣ୍ଣ ମନେ କରାଯାଏ, କାରଣ ଏହାର ଗଭୀର ପ୍ରଭାବ ବିଭିନ୍ନ ରାଶି ଉପରେ ପଡ଼ିଥାଏ।
ଜ୍ୟୋତିଷମାନଙ୍କ ଅନୁସାରେ, ୩ ଅକ୍ଟୋବର ୨୦୨୬ରେ ରାହୁ ଧନିଷ୍ଠା ନକ୍ଷତ୍ରର ତୃତୀୟ ଚରଣରେ ପ୍ରବେଶ କରିସାରିଛନ୍ତି। ଅନ୍ୟପଟେ କେତୁ ମଘା ନକ୍ଷତ୍ରର ପ୍ରଥମ ଚରଣରେ ନିଜ ସ୍ଥାନ ଗ୍ରହଣ କରିଛନ୍ତି। ରାହୁ-କେତୁଙ୍କ ଏହି ସ୍ଥିତି କିଛି ରାଶିର ବ୍ୟକ୍ତିଙ୍କ ପାଇଁ ଅତ୍ୟନ୍ତ ଶୁଭ ସାବ୍ୟସ୍ତ ହୋଇପାରେ। ଏହି ସମୟରେ ଜୀବନର ସମସ୍ତ କ୍ଷେତ୍ରରେ ସକାରାତ୍ମକ ଫଳାଫଳ ମିଳିବାର ସମ୍ଭାବନା ରହିଛି। ଆସନ୍ତୁ ଜାଣିବା କେଉଁ କେଉଁ ରାଶି ପାଇଁ ଏହି ସମୟ ଲାଭଦାୟକ ରହିବ।
କର୍କଟ ରାଶିର ଲୋକଙ୍କ ପାଇଁ ମନମୁତାବକ ସଫଳତା ମିଳିବାର ଶୁଭ ଯୋଗ ରହିଛି। ଆପଣଙ୍କର ସମସ୍ତ ଅଟକି ରହିଥିବା କାର୍ଯ୍ୟ ଇଚ୍ଛା ଅନୁସାରେ ସମ୍ପୂର୍ଣ୍ଣ ହେବ। ଏହି ସମୟରେ ଆପଣ ଯେଉଁ କାର୍ଯ୍ୟରେ ବି ହାତ ଦେବେ, ସେଥିରେ ବଡ଼ ସଫଳତା ହାସଲ କରିପାରିବେ। ବ୍ୟବସାୟରେ ଦୀର୍ଘ ଦିନରୁ ବନ୍ଦ ଥିବା କାମ ସରିବା ସହିତ କ୍ୟାରିୟରରେ ଭଲ ସୁଯୋଗ ମିଳିପାରେ। ପରିଶ୍ରମର ପୂର୍ଣ୍ଣ ଫଳ ମିଳିବାର ସମ୍ଭାବନା ରହିଛି। ଏହି ରାଶିର ବ୍ୟକ୍ତିଙ୍କ ପ୍ରେମ ବିବାହର ଯୋଗ ଫିଟିପାରେ ଏବଂ ଘରେ ପୂଜାପାଠ କାର୍ଯ୍ୟକ୍ରମ ଆୟୋଜିତ ହୋଇପାରେ।
ସିଂହ ରାଶିର ଲୋକଙ୍କ ପାଇଁ ଆର୍ଥିକ ଦୃଷ୍ଟିକୋଣରୁ ଏହି ସମୟ ବେଶ ଭଲ ରହିବ। ଆର୍ଥିକ ସ୍ଥିତି ପୂର୍ୱ ଅପେକ୍ଷା ସୁଦୃଢ଼ ହେବ। କୌଣସି ଧାର୍ମିକ ଯାତ୍ରାରେ ଯିବାର ସୁଯୋଗ ମିଳିପାରେ। ଏହା ସହିତ ପରିବାର ସହିତ ଭଲ ସମୟ ବିତାଇବାର ସୁଯୋଗ ପାଇବେ। ମନପସନ୍ଦର କଲେଜ କିମ୍ୱା ଚାକିରି ପ୍ରାପ୍ତ ହେବ। ନୂଆ ଲୋକଙ୍କ ସହ ମିଶି ବ୍ୟବସାୟ କରିବାର ଉପାୟ ସଫଳ ହେବ। ମିଳୁଥିବା ସଫଳତା ଆପଣଙ୍କ କ୍ୟାରିୟରକୁ ଏକ ସଠିକ ଦିଗ ଦେବ ଏବଂ କୌଣସି ଶୁଭ ଖବର ଶୁଣିବାକୁ ମିଳିପାରେ।
ତୁଳା ରାଶିର ଲୋକଙ୍କୁ ଏହି ସମୟରେ ପୁଞ୍ଜି ନିବେଶ ସମ୍ୱନ୍ଧୀୟ କାର୍ଯ୍ୟରୁ ବିଶେଷ ଲାଭ ମିଳିବ। ବ୍ୟବସାୟରେ ସଠିକ ରଣନୀତି ଏବଂ ଭାବିଚିନ୍ତି କରାଯାଇଥିବା ଉଦ୍ୟମ ଆର୍ଥିକ ଦିଗରେ ଫାଇଦା ଦେବ। ଯଦି କୌଣସି କାମ ପାଇଁ କ୍ରମାଗତ ଭାବେ ଯାତ୍ରା କରୁଥିଲେ, ତେବେ ତାହା ସଫଳ ହେବ। ପରିବାରରେ ଖୁସିର ମାହୋଲ ରହିବ ଏବଂ ଆପଣ ସମସ୍ତଙ୍କ ପାଇଁ ଉପହାର କିଣିପାରନ୍ତି। ଅଭିଜ୍ଞ ଲୋକଙ୍କ ପରାମର୍ଶ ଆପଣଙ୍କ ପାଇଁ ଲାଭଦାୟକ ପ୍ରମାଣିତ ହେବ। ଏହି ସମୟରେ ଆପଣଙ୍କ ବ୍ୟକ୍ତିତ୍ୱ ବେଶ ପ୍ରଭାବଶାଳୀ ରହିବ।