ମୁମ୍ବାଇ,୧୧।୧୨: ମହାରାଷ୍ଟ୍ରରେ କ୍ୟାବିନେଟ ସମ୍ପ୍ରସାରଣକୁ ନେଇ ତୁତୁମେମେ ଦେଖାଦେଇଛି। ଏହି ସମୟରେ ଭାଜପା ନେତା କହିଛନ୍ତି ଯେ ଡିସେମ୍ବର ୧୪ରେ କ୍ୟାବିନେଟ ସମ୍ପ୍ରସାରଣ ହୋଇପାରେ। ଏହାକୁ ଦୃଷ୍ଟିରେ ରଖି ବୁଧବାର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଏବଂ ଉପ ମୁଖ୍ୟମନ୍ତ୍ରୀ ଅଜିତ ପାୱାର ଦିଲ୍ଲୀ ଗସ୍ତରେ ଅଛନ୍ତି। ତେବେ ଶିବସେନା ମୁଖ୍ୟ ତଥା ଉପ ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଦିଲ୍ଲୀ ଗସ୍ତ କରିବାର କୌଣସି ଯୋଜନା ନାହିଁ।
ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପିଟିଆଇକୁ କହିଛି ଯେ ଫଡନାଭିସ ମୁଖ୍ୟମନ୍ତ୍ରୀ ହେବା ପରେ ପ୍ରଥମ ଥର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଖି, ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ଉପରାଷ୍ଟ୍ରପତି ଜଗଦୀପ ଧନଖରଙ୍କୁ ଭେଟିବେ।
ପିଟିଆଇ ସହ କଥାବାର୍ତ୍ତା ବେଳେ ଜଣେ ଭାଜପା ନେତା କହିଛନ୍ତି ଯେ ଶିବସେନା ଗୃହ ବିଭାଗ ପାଇବ ନାହିଁ ଏବଂ ରାଜସ୍ବ ବିଭାଗ ମଧ୍ୟ ବଣ୍ଟନ ହେବାର ସମ୍ଭାବନା ନାହିଁ। ସେ ସ୍ବୀକାର କରିଛନ୍ତି ଯେ ଗ୍ରାଣ୍ଡ ଆଲାଏନ୍ସ, ଭାଜପା, ଶିବସେନା ଏବଂ ଏନସିପିରେ ତିନିଟି ଦଳର ଉପସ୍ଥିତି ଥିବାରୁ ଆଲୋଚନାରେ ବିଳମ୍ବ ହେଉଛି। ତେବେ ଡିସେମ୍ବର ୧୪ ସୁଦ୍ଧା କ୍ୟାବିନେଟ ସମ୍ପ୍ରସାରଣ ହେବାର ସମ୍ଭାବନା ରହିଛି। ସେ କହିଛନ୍ତି ଯେ ଶିବସେନାଙ୍କୁ ଗୃହ ମନ୍ତ୍ରଣାଳୟ ମନା କରାଯାଇଛି।
ସୂଚନାଯୋଗ୍ୟ, ଫଡନାଭିସ ପୂର୍ବରୁ ଏକନାଥ ଶିନ୍ଦେଙ୍କ ସରକାରରେଉପ ମୁଖ୍ୟମନ୍ତ୍ରୀ ସହ ଗୃହ ମନ୍ତ୍ରଣାଳୟ ପରିଚାଳନା କରୁଥିଲେ, ଯିଏ ପ୍ରାୟ ଅଢେଇ ବର୍ଷ ଧରି ଉପ ମୁଖ୍ୟମନ୍ତ୍ରୀ ଥିଲେ। ବର୍ତ୍ତମାନ ଦେବେନ୍ଦ୍ର ଫଡନାଭିସ ମୁଖ୍ୟମନ୍ତ୍ରୀ ଏବଂ ଶିନ୍ଦେ ଉପ-ମୁଖ୍ୟମନ୍ତ୍ରୀ। ଏକନାଥ ଶିନ୍ଦେଙ୍କ ଦଳ ଭାଜପାରୁ ଗୃହ ମନ୍ତ୍ରଣାଳୟ ମାଗୁଛି ବୋଲି ଅନୁମାନ କରାଯାଉଛି।
