ମସ୍କୋ,୯।୩ : ୟୁକ୍ରେନ ଉପରେ ଆକ୍ରମଣ ପରେ ରୁଷିଆରେ ରାଷ୍ଟ୍ରପତି ବ୍ଲାଡିମୀର ପୁଟିନ୍ଙ୍କ ଲୋକପ୍ରିୟତା ୭୧ ପ୍ରତିଶତ ବୃଦ୍ଧି ପାଇଛି। ଯୁଦ୍ଧକୁ ନେଇ ବିରୋଧ ପ୍ରଦର୍ଶନ ମଧ୍ୟରେ, ରୁଷିଆର ୬୫ ପ୍ରତିଶତ ଜନସାଧାରଣ ଏକ ସରକାରୀ ଏଜେନ୍ସି ଦ୍ୱାରା କରାଯାଇଥିବା ସର୍ଭେରେ ୟୁକ୍ରେନରେ ପୁଟିନଙ୍କ “ସ୍ବତନ୍ତ୍ର ସାମରିକ ଅପରେଶନ”କୁ ସ୍ବୀକୃତି ପ୍ରଦାନ କରିଛନ୍ତି।
କେବଳ ଏତିକି ନୁହେଁ, ଅନ୍ୟ ଏକ ସ୍ଥାନୀୟ ସର୍ଭେରେ ୭୧ତିଶତ ଲୋକ ପୁଟିନଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରଛନ୍ତି। ୟୁକ୍ରେନ ଯୁଦ୍ଧ ଆରମ୍ଭ ପୂର୍ବରୁ ପୁଟିନଙ୍କ ଉପରେ ରୁଷିଆର ଜନସାଧାରଣଙ୍କ ବିଶ୍ୱାସ ମାତ୍ର ୬୦ପ୍ରତିଶତ ଥିଲା।
ଗୋଟିଏ ପଟେ ପାଶ୍ଚାତ୍ୟ ଦେଶଗୁଡ଼ିକ ୟୁକ୍ରେନ ଉପରେ ରୁଷିଆର ଆକ୍ରମଣକୁ ନିନ୍ଦା କରୁଛନ୍ତି। ଏହି ସାମରିକ ଅପରେଶନରେ ପୁଟିନ୍ ତାଙ୍କ ଦେଶର ଜନସାଧାରଣଙ୍କ ସମର୍ଥନ ହାସଲ କରୁଛନ୍ତି। ରୁଷିଆର ରାଷ୍ଟ୍ରପତି କାର୍ଯ୍ୟାଳୟ ଦାବି କରିଛି ଯେ ପୁଟିନଙ୍କ ଏହି ସ୍ବତନ୍ତ୍ର ସାମରିକ ଅପରେଶନ କରି ୟୁକ୍ରେନବାସୀଙ୍କୁ ଫାସିଷ୍ଟ ସରକାରଙ୍କ କବଳରୁ ମୁକ୍ତ କରିବା ପାଇଁ କାର୍ଯ୍ୟ କରୁଛନ୍ତି।
