ଆଗକୁ ବକ୍ସ ଅଫିସରେ କେବଳ ‘ପୁଷ୍ପାରାଜ’ ଚାଳିବ। ଆଉ ମାତ୍ର ୧୫ ଦିନ ପରେ ଚଳିତ ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ପୁଷ୍ପା ୨’ ପ୍ରେକ୍ଷାଳୟକୁ ଆସିବ। ଆଲୁ ଅର୍ଜୁନଙ୍କ ଏହି ଫିଲ୍ମ ପାଇଁ ପ୍ରସ୍ତୁତି ପ୍ରାୟ ଶେଷ ହୋଇଛି। ନିକଟରେ ଫିଲ୍ମର ଟ୍ରେଲର ଆସିଥିଲା, ଯାହା ଚହଳ ସୃଷ୍ଟି କରିଥିଲା। ବର୍ତ୍ତମାନ ଅଗ୍ରୀମ ବୁକିଂ ଆରମ୍ଭ ପାଇଁ ଦର୍ଶକ ଅପେକ୍ଷା କରିଛନ୍ତି। ଖୁବ୍ଶୀଘ୍ର ନିର୍ମାତାମାନେ ଏହାକୁ ଆରମ୍ଭ କରିବେ। କିନ୍ତୁ ଆମେରିକାରେ ପ୍ରି ସେଲ୍ସ ବହୁ ପୂର୍ବରୁ ଆରମ୍ଭ ହୋଇଥିଲା। ବର୍ତ୍ତମାନ ଫିଲ୍ମ ସେଠାରେ ଇତିହାସ ସୃଷ୍ଟି କରିଛି।
‘ପୁଷ୍ପା ୨’ର ୍ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ଶେୟାର କରାଯାଇଛି। ଏହି ଚଳଚ୍ଚିତ୍ରଟି ଆମେରିକାର ପ୍ରି ସେଲ୍ସରେ ୧ ନିୟୁତ ଡଲାରର ଛୁଇଁଛି। ଏହା ସହିତ ଏହା ଦ୍ରୁତତମ ପ୍ରିସେଲିଂ ଏବଂ ଟିକେଟ ବିକ୍ରୟ ଫିଲ୍ମ ହୋଇପାରିଛି ।
ଆଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା ୨’ ରିଲିଜ ପାଇଁ ଆଉ ୧୫ ଦିନ ବାକି ଅଛି। ଏଭଳି ପରିସ୍ଥିତିରେ ଆମେରିକାର ଅନେକ ବଡ ରେକର୍ଡ ଭାଙ୍ଗିବାକୁ ଯାଉଛି। ଏପର୍ଯ୍ୟନ୍ତ ୩୦ ହଜାରରୁ ଅଧିକ ଟିକେଟ ପୂର୍ବ ବିକ୍ରିରେ ବିକ୍ରି ହୋଇସାରିଛି। ଆମେରିକାର ପ୍ରିମିୟର୍ ପୂର୍ବରୁ ୧ ମିଲିୟନ ଡଲାରର ପ୍ରି-ବିକ୍ରୟ କରିସାରିଛି । ଯଦିଓ ପ୍ରଥମ ଚାରୋଟି ଚଳଚ୍ଚିତ୍ର ମଧ୍ୟ ଏହା କରିଛନ୍ତି, କିନ୍ତୁ ‘ପୁଷ୍ପା ୨’ ଏହି ପ୍ରସଙ୍ଗରେ ଦ୍ରୁତତମ।
View this post on Instagram
