ପୁରୁଷୋତ୍ତମପୁର,୨୯।୩ (ସିମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଓକିଲ ସଂଘ ନିର୍ବାଚନ ଶାନ୍ତିଶୃଙ୍ଖଳାର ସହ ଶେଷ ହୋଇଛି। ଏଥିରେ ସଭାପତି ରୂପେ କୃଷ୍ଣଚନ୍ଦ୍ର ଗୌଡ ତାଙ୍କ ପ୍ରତିଦ୍ୱନ୍ଦ୍ୱି ସ୍ବରାଜ୍ୟ ପାଣିଗ୍ରାହୀଙ୍କୁ ପରାସ୍ତ କରି ସଭାପତି ରୂପେ ବିଜୟୀ ହୋଇଛନ୍ତି। ସେହିପରି ଉପ ସଭାପତି ଭାବେ ଅଶୋକକୁମାର ମହାକୁଡଙ୍କୁ ପରାସ୍ତ କରି ଦୂର୍ଗାଚରଣ ଦାଶ ବିଜୟୀ ହୋଇଛନ୍ତି। ସମ୍ପାଦକ ପଦବୀ ଲାଗି ୪ ଜଣ ପ୍ରାର୍ଥୀ ରବିନ୍ଦ୍ର କୁମାର ସାହୁ, ସଦାଶିବ ପଣ୍ଡା, ଅମରେଶ ତ୍ରିପାଠୀ ଓ ରାମଚନ୍ଦ୍ର ଆଚାର୍ଯ୍ୟ ପ୍ରତିଦ୍ବନ୍ଦ୍ୱିତା କରୁଥିବା ବେଳେ ସେଥିମଧ୍ୟରୁ ରବିନ୍ଦ୍ର କୁମାର ସାହୁ ବିଜୟୀ ହୋଇଛନ୍ତି। ସହ ସମ୍ପାଦକ ଭାବେ କେ. ଶଶାଙ୍କ ଶେଖର ରାଓ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ଏହାକୁ ନିର୍ବାଚନ ଅଧିକାରୀ ଭାବେ ବରିଷ୍ଠ ଓକିଲ ବାସୁଦେବ ଜେନା ରହି ପରିଚାଳନା କରିଥିଲେ।
