ଚଣ୍ଡିଗଡ଼,୩ ।୨: ପଞ୍ଜାବ କଂଗ୍ରେସର ପଟିଆଲାରୁ ଏମପି ଥିବା ପରିଣିତ କୌରଙ୍କୁ ଶୁକ୍ରବାର ଦଳରୁ ନିଲମ୍ବିତ କରଯାଇଛି । ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂଙ୍କ ପତ୍ନୀ ପରିଣିତ କୌରଙ୍କ ଉପରେ ଭାରତୀୟ ଜନତା ପାର୍ଟି(ଭାଜପା)କୁ ସହଯୋଗ କରୁଥିବାର ଅଭିଯୋଗ ଆସିଛି । କଂଗ୍ରେସର ଅନୁଶାସନ ସମିତି କାରଣ ଦର୍ଶାଅ ନୋଟିସ ଜାରି କରି କହିଛି କି ୩ ଦିନ ମଧ୍ୟରେ କୌର ଜବାବ ଦିଅନ୍ତୁ ଯେ ତାଙ୍କୁ ଦଳରୁ କହିଁକି ନିଲମ୍ବିତ କରାଯିବ ନାହିଁ ।
କଂଗ୍ରେସ ପକ୍ଷରୁ ଜାରି କରାଯାଇଥିବା ବୟାନରେ କୁହାଯାଇଛି କି ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷଙ୍କୁ ପଞ୍ଜାବ କଂଗ୍ରେସର ଅଧ୍ୟକ୍ଷ ଅମରିନ୍ଦର ସିଂ ରାଜା ୱାରିଂଗଙ୍କ ପକ୍ଷରୁ ଅଭିଯୋଗ ମିଳିଥିଲା କି ପଟିଆଲା ଏମପି ପରିଣିତ କୌର ପାର୍ଟି ବିରୋଧି ଗତିବିଧିରେ ସାମିଲ ଅଛନ୍ତି ଓ ଭାଜପାକୁ ସାହାଯ୍ୟ କରୁଛନ୍ତି । ପଞ୍ଜାବ କଂଗ୍ରେସର କେତେଜଣ ଅନ୍ୟ ନେତା ମଧ୍ୟ ଏହି ଅଭିଯୋଗ ଆଣିଛନ୍ତି । ଅଭିଯୋଗକୁ କାର୍ଯ୍ୟାନୁଷ୍ଠାନ ପାଇଁ କଂଗ୍ରେସର ଅନୁଶାସନାତ୍ମକ ସମିତିକୁ ପଠାଇ ଦିଆଯାଇଛି ।
