ନୂଆଦିଲ୍ଲୀ,୧।୭ : ଅର୍ଥମନ୍ତ୍ରୀ ନିର୍ମଳା ସୀତାରମଣ ଶନିବାର କହିଛନ୍ତି ସରକାରୀ ପଦକ୍ଷେପ ଯୋଗୁଁ ଗତ ନଅ ବର୍ଷ ମଧ୍ୟରେ ସରକାରୀ କ୍ଷେତ୍ର ବ୍ୟାଙ୍କ(ପିଏସୟୂ)ଗୁଡିକର ଲାଭ ୧.୦୪ ଲକ୍ଷ କୋଟି ଟଙ୍କାକୁ ବୃଦ୍ଧି ପାଇଛି। ସାର୍ବଜନୀନ କ୍ଷେତ୍ର ବ୍ୟାଙ୍କଗୁଡିକର ନିଟ ଲାଭ ୨୦୨୩ ଆର୍ଥିକ ବର୍ଷରେ ପ୍ରାୟ ତିନିଗୁଣା ବୃଦ୍ଧି ପାଇଛି। ୨୦୧୪ ଆର୍ଥିକ ବର୍ଷରେ ଏହା ୩୬,୨୭୦ କୋଟି ଟଙ୍କା ଥିଲା। ପଞ୍ଜାବ ଆଣ୍ଡ ସିନ୍ଧ ବ୍ୟାଙ୍କର କର୍ପୋରେଟ କାର୍ଯ୍ୟାଳୟର ଉଦଘାଟନ କରି ମନ୍ତ୍ରୀ କହିଛନ୍ତି ସର୍ବୋତ୍ତମ କର୍ପୋରେଟ ଶାସନ ନୀତି ଅନୁସରଣ କରି ବ୍ୟାଙ୍କଗୁଡିକ ସୁନାମ ଅର୍ଜନ କରିବା ଆବଶ୍ୟକ।
ବ୍ୟାଙ୍କଗୁଡ଼ିକ ସର୍ବୋତ୍ତମ କର୍ପୋରେଟ ଶାସନ ଅଭ୍ୟାସ ଅନୁସରଣ କରିବା, ନିୟାମକ ନିୟମ ମାନିବା, ଚତୁରତା ପରିଚାଳନା ନିଶ୍ଚିତ କରିବା ଏବଂ ସମ୍ପତ୍ତି ପରିଚାଳନା ଉପରେ ଧ୍ୟାନ ଦେବା ଜାରି ରଖିବା ଉଚିତ। ଅର୍ଥମନ୍ତ୍ରୀ ଦୃଢ଼ୋକ୍ତି ପ୍ରକାଶ କରିଛନ୍ତି ଭାରତୀୟ ଅର୍ଥନୀତି ଟୁଇନ ବାଲାନ୍ସ ଶିଟ ଅସୁବିଧାରୁ’ ଟୁଇନ ବାଲାନ୍ସ ଶିଟ ସୁବିଧାକୁ ଚାଲିଆସିଛି। ଅର୍ଥମନ୍ତ୍ରୀ କହିଛନ୍ତି ଏପରି ଏକ ସମୟ ଥିଲା ଯେତେବେଳେ ଭାରତୀୟ ଅର୍ଥନୀତି ଯୁଗ୍ମ ବାଲାନ୍ସ ଶିଟ ସମସ୍ୟାର ସମ୍ମୁଖୀନ ହୋଇଥିଲା। ବ୍ୟାଙ୍କ ଏବଂ କର୍ପୋରେଟରଙ୍କ ବାଲାନ୍ସ ଶିଟ ଏକାସାଙ୍ଗରେ ଚାପରେ ଥିଲା।
ସେ କହିଛନ୍ତି ୨୦୧୪ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର କ୍ଷମତାକୁ ଆସିବା ପୂର୍ବରୁ, ୟୁପିଏ ସରକାରଙ୍କ କାର୍ଯ୍ୟକାଳ ସମୟରେ ଘଟିଥିବା ଅଯୌକ୍ତିକ ଫୋନ ବ୍ୟାଙ୍କିଙ୍ଗ କାରଣରୁ ଭାରତୀୟ ବ୍ୟାଙ୍କିଙ୍ଗ ବ୍ୟବସ୍ଥାରେ ଅସୁବିଧା ଆରମ୍ଭ ହୋଇଥିଲା। ସେହି ସମୟରେ ଅଯୋଗ୍ୟ ଗ୍ରାହକଙ୍କୁ ଅଣ-ବୃତ୍ତିଗତ ଋଣ ଦେବାରେ ଅଗ୍ରାଧିକାର ଦିଆଯାଇଥିଲା। ଫଳସ୍ବରୂପ, ସେମାନେ ଏନପିଏ ହୋଇଗଲେ। ସରକାରଙ୍କ ବିଭିନ୍ନ ପଦକ୍ଷେପ ଯୋଗୁଁ ମୁଁ ଖୁସ ଟୁଇନ ବାଲାନ୍ସ ଶିଟ ସମସ୍ୟାର ସମାଧାନ ହୋଇଛି। ରିଜର୍ଭ ବ୍ୟାଙ୍କ ଅନୁଯାୟୀ ଆମର ଯୁଗ୍ମ ବାଲାନ୍ସ ଶିଟ ସୁବିଧା ଅଛି ଯାହା ଭାରତୀୟ ଅର୍ଥନୀତିକୁ ଲାଭ ଦେଉଛି।
