ଖୋର୍ଦ୍ଧା,୮ା୧୦(ପ୍ରଭାତ ପାଣିଗ୍ରାହୀ): ବ୍ରହ୍ମପୁର ସହର ଜଣାଶୁଣା ଆଇନଜୀବୀ, ଭାଜପା ନେତା ତଥା ରାଜ୍ୟ ଆଇନଜୀବୀ ପରିଷଦ ସଦସ୍ୟ ପୀତବାସ ପଣ୍ଡା ଗୁଳିକାଣ୍ଡ ମାମଲା ରାଜ୍ୟ ଆଇନଜୀବୀ ପରିଷଦ ତୀବ୍ର ପ୍ରତିକ୍ରିୟା ପ୍ରକାଶ କରିଛି। ପରିଷଦ ନିଷ୍ପତ୍ତି କ୍ରମେ ବୁଧବାର ରାଜ୍ୟ ବ୍ୟାପୀ ଆଇନଜୀବୀମାନେ କଲମଛାଡ଼ ଆନ୍ଦୋଳନ କରିଛନ୍ତି। ଏହାର ପ୍ରତିବାଦରେ ଖୋର୍ଦ୍ଧା ଜିଲା ଓକିଲ ସଂଘ କଲମ ଆନ୍ଦୋଳନ କରିଛନ୍ତି। ଆଜି ପୂର୍ବାହ୍ନରେ ସଂଘ ପକ୍ଷରୁ ଏକ ସାଧାରଣ ସଭା ଆୟୋଜିତ ହୋଇଥିଲା। ବୈଠକରେ ପୀତବାସ ଗୁଳିକାଣ୍ଡ ଘଟଣା ନିନ୍ଦା କରିବା ସହ ପରିବାର ପ୍ରତି ସମବେଦନା ଜଣାଇଛନ୍ତି। ପୀତବାସଙ୍କୁ ଗୁଳିକାଣ୍ଡ ଏକ ସୁଚିନ୍ତିତ ଷଡ଼ଯନ୍ତ୍ର।
ଏହି ଗୁଳିକାଣ୍ଡ ମାମଲାର ସଂପୃକ୍ତ ଅଭିଯୁକ୍ତଙ୍କୁ ତୁରନ୍ତ ଗିରଫ କରାଯିବ ସହ ଏହି ମାମଲାର ବିଚାର ବିଭାଗୀୟ ତଦନ୍ତ, ଆଇନଜୀବୀମାନଙ୍କ ସୁରକ୍ଷା ଦାବି କରିଛି ଓକିଲ ସଂଘ ଆଡ୍ଭୋକେଟ ପ୍ରୋଟକସନ ଆକ୍ଟ କାର୍ଯ୍ୟକାରୀ କରାଯାଉ।
ଖୋର୍ଦ୍ଧା ଜିଲା ଓକିଲ ସଂଘ ଜୀବନଜ୍ୟୋତି ମିଶ୍ର, ସମ୍ପାଦକ କ୍ଷୀରୋଦ ମୋହନ ସ୍ବାଇଁ, ପୂର୍ବତନ ସଭାପତି ଶିଶିର ପରିଡ଼ା, ରଜନୀକାନ୍ତ ପଟ୍ଟନାୟକ, ଅଜିତ ପଟ୍ଟନାୟକ, ବିଜୟ ସାମନ୍ତସିଂହାର, ସର୍ବେଶ୍ୱର ସାହୁ, ନୃସିଂହ ଚରଣ ମିଶ୍ର, ଲୋତକବିନ୍ଦୁ ପଟ୍ଟନାୟକଙ୍କ ସମେତ ସମସ୍ତ ଆଇନଜୀବୀ ଏହି ଘଟଣାର ତୀବ୍ର ନିନ୍ଦା କରିଛନ୍ତି।
