ଡେଲାଙ୍ଗ/ପିପିଲି, ୧୦।୪(ଡି.ଏନ୍.ଏ.): ପିପିଲି ଉପନିର୍ବାଚନ ତାରିଖ ଯେତେ ପାଖେଇ ଆସୁଛି, ପ୍ରାର୍ଥୀମାନଙ୍କ ମଧ୍ୟରେ ସେତିକି ଉତ୍ସୁକତା ବଢ଼ିବାରେ ଲାଗିଛି। ବିଜେଡି ପକ୍ଷରୁ ଶ୍ୁକ୍ରବାର ମୁନିନ୍ଦା, ବେରବୋଇ, ଗୁଆଳିପଡା, ଚାଇଁପୁର, ରେଙ୍ଗଳ, ସୁଜନପୁର ପ୍ରଭୃତି ୭ଟି ପଞ୍ଚାୟତରେ ମହିଳା ସମାବେଶ ଅନୁଷ୍ଠିତ ହୋଇଯାଇଛି। ଏଥିରେ ମନ୍ତ୍ରୀ ସୁଶାନ୍ତ ସିଂହ, ସ୍ବାସ୍ଥ୍ୟମନ୍ତ୍ରୀ ନବକିଶୋର ଦାସ, ଅର୍ଥମନ୍ତ୍ରୀ ନିରଞ୍ଜନ ପୂଜାରୀ, ଏମ୍ପି ଶର୍ମିଷ୍ଠା ସେଠୀ, ବିଧାୟକ ଉମାକାନ୍ତ ସାମନ୍ତରାୟ, ମହିଳା ବିଜୁ ଜନତା ଦଳର ମିରା ପରିଡା, ଡେଲାଙ୍ଗ ମହିଳା ସଙ୍ଗଠନର ବାସନ୍ତୀ ସାହୁ, ସ୍ବର୍ଗତ ପ୍ରଦୀପ ମହାରଥୀଙ୍କ କନ୍ୟା ପଲ୍ଲବୀ ମହାରଥୀ ପ୍ରମୁଖ ଯୋଗଦେଇଥିଲେ। ଥପୂର୍ବଭଳି ଡେଲାଙ୍ଗ-ପିପିଲିର ବିକାଶକୁ ପ୍ରାଧାନ୍ୟ ଦେବାକୁ ଅତିଥିମାନେ ଆହ୍ବାନ ଦେଇଥିବାବେଳେ ବିକାଶଧାରାକୁ ବଜାୟ ରଖିବା ପାଇଁ ଜନତାଙ୍କ ସହଯୋଗ ଆବଶ୍ୟକ ବୋଲି କହିଥିଲେ। ଜିଲା ପରିଷଦ ସଭ୍ୟା ପୁଷ୍ପାଞ୍ଜଳି ସାମଲ, ସରପଞ୍ଚ ସନ୍ଧ୍ୟାରାଣୀ ପରିଡା, ବାଙ୍କି ବିଧାୟକ ଦେବିରଞ୍ଜନ ତ୍ରିପାଠୀ, ମହିଳା ବିଜେଡି ସଭାନେତ୍ରୀ ପ୍ରମିଳା ମଲ୍ଲିକ, ଉପସଭାପତି ସୋଫିଆ ଆଲାମ, ସମ୍ପାଦିକା ସନ୍ଧ୍ୟାରାଣୀ ପ୍ରଧାନ, ବିଧାୟକ ଆକାଶ ଦାସ ନାୟକ, ବ୍ଲକ ସଭାପତି ବୌରାଗୀ ଜେନା, ସମ୍ପାଦକ ଶିଶିର ପରିଜା ପ୍ରମୁଖ ଯୋଗଦେଇଥିଲେ। ପିପିଲିରେ ଜ୍ୟୋତ୍ସ୍ନାରାଣୀ ଜେନା ଓ ଭୁବନେଶ୍ୱର (ମଧ୍ୟ)ବିଧାୟକ ଅନନ୍ତ ନାରାୟଣ ଜେନା ପ୍ରଚାର ଚଳାଇଛନ୍ତି। ଲକ୍ଷ୍ମୀନାରାୟଣପୁର, ପୂବା ଶାସନ ଓ ଗୋବିନ୍ଦପୁରରେ ଘର ଘର ବୁଲି ପ୍ରାର୍ଥୀ ରୁଦ୍ର ପାଇଁ ଭୋଟ ମାଗିଛନ୍ତି। ରାଜ୍ୟ ବିଜୁ ମହିଳା ସାଧାରଣ ସମ୍ପାଦିକା ଏଲିନା ଦାସ ଜଟଣୀ ମୁଖ୍ୟ ରାସ୍ତା କଣ୍ଟିଛକରୁ ସାଇକେଲ ଶୋଭାଯାତ୍ରାରେ ବାହାରି ଗଁା ଗଁା ବୁଲି ରୁଦ୍ରଙ୍କ ପାଇଁ ଭୋଟ ମାଗିଛନ୍ତି। ଏହି ରାଲିରେ ସରପଞ୍ଚ ପ୍ରକାଶ ଧଳଙ୍କ ସହିତ ବହୁ ନେତା ଓ ଶତାଧିକ ଯୁବତୀ ସାମିଲ ଥିଲେ ା
