ନୂଆଦିଲ୍ଲୀ,୩୧।୮: ୨୦୨୬-୨୭ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ଭାରତର ଅର୍ଥନୀତିରେ ସକାରାତ୍ମକ ଉନ୍ନତି ଦେଖାଯାଇଛି। ଜିଡିପି ଅଭିବୃଦ୍ଧି ୭.୮% ରେକର୍ଡ କରାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ବିକାଶ ଉପରେ ଖୁସି ପ୍ରକାଶ କରିଛନ୍ତି। ଏହାକୁ ଏକ ପ୍ରମୁଖ ସଫଳତା ଭାବରେ ବର୍ଣ୍ଣନା କରିଛନ୍ତି।
ଏକ୍ସରେ ତାଙ୍କ ପୋଷ୍ଟରେ ପ୍ରଧାନମନ୍ତ୍ରୀ ମୋଦି କହିଛନ୍ତି, ୨୦୨୬-୨୭ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ଭାରତର ପ୍ରଭାବଶାଳୀ ୭.୮% ଜିଡିପି ଅଭିବୃଦ୍ଧି ଏକ ଗୁରୁତ୍ୱପୂର୍ଣ୍ଣ ସଫଳତା। ଆମ ଲୋକଙ୍କ ସାମୂହିକ ଶକ୍ତି ନିଶ୍ଚିତ କରିଛି ଯେ, ଭାରତ ବିଶ୍ୱ ଅନିଶ୍ଚିତତା, ଅସ୍ଥିର ତୈଳ ମୂଲ୍ୟ ଏବଂ ଯୋଗାଣ ଶୃଙ୍ଖଳ ବାଧା ମଧ୍ୟରେ ଏହି ଅଭିବୃଦ୍ଧି ହାସଲ କରିଛି। ନିରାଶାବାଦୀମାନେ ଭୁଲ ପ୍ରମାଣିତ ହୋଇଛନ୍ତି। ଭାରତ ପୁଣି ଥରେ ସଫଳତାର ନୂତନ ଶିଖର ଛୁଇଁଛି।
ଦୌଡୁଛି ଭାରତୀୟ ଅର୍ଥନୀତି: ପ୍ରଥମ ତ୍ରୈମାସିକରେ GDP ଅଭିବୃଦ୍ଧି ଆଶ୍ଚର୍ଯ୍ୟଜନକ
ସେହିପରି ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ୍ସରେ ପୋଷ୍ଟ କରି କହିଛନ୍ତି, ୨୦୨୬-୨୭ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ପ୍ରକୃତ GDP ୭.୮% ବୃଦ୍ଧି ପାଇଛି। ସେହି ସମୟ ମଧ୍ୟରେ ନାମମାତ୍ର GDP ୧୦.୩% ବୃଦ୍ଧି ପାଇଛି। ପ୍ରକୃତ GVA (ଗ୍ରସ୍ ଭାଲ୍ୟୁ ଆଡେଡ୍) ୮.୨% ବୃଦ୍ଧି ରେକର୍ଡ କରିଛି। ଏହି ଚମତ୍କାର ପ୍ରଦର୍ଶନର ଶ୍ରେୟ ଭାରତର ଜନସାଧାରଣ ଏବଂ ସେମାନଙ୍କର କଠିନ ପରିଶ୍ରମକୁ ଯାଏ। NDA ସରକାର ଦ୍ୱାରା ନିଆଯାଇଥିବା ସଂସ୍କାର ଏବଂ ଦକ୍ଷ ଅର୍ଥନୈତିକ ପରିଚାଳନା ସକାରାତ୍ମକ ଫଳାଫଳ ପ୍ରଦାନ କରୁଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ, NDA ସରକାର ଆମର ସମସ୍ତ ନାଗରିକଙ୍କ ପାଇଁ ଆର୍ଥିକ ସୁଯୋଗ ବିସ୍ତାର କରିବା ପାଇଁ ପ୍ରତିବଦ୍ଧ।
ସରକାର ଅଗଷ୍ଟ ୩୧ ତାରିଖରେ ୨୦୨୬-୨୭ ଆର୍ଥିକ ବର୍ଷର ପ୍ରଥମ ତ୍ରୈମାସିକ ପାଇଁ GDP ତଥ୍ୟ ପ୍ରକାଶ କରିଥିଲେ। ତଥ୍ୟ ଅନୁସାରେ, ଏପ୍ରିଲ-ଜୁନ ତ୍ରୈମାସିକରେ ନାମମାତ୍ର GDP ୧୦.୩% ବୃଦ୍ଧି ପାଇଥିଲା। ସରକାର ଉଲ୍ଲେଖ କରିଛନ୍ତି ଯେ, ବିଶ୍ୱ ସ୍ତରରେ ଆର୍ଥିକ ଚ୍ୟାଲେଞ୍ଜ ସତ୍ତ୍ୱେ ଭାରତୀୟ ଅର୍ଥନୀତି ଏହାର ଅଭିବୃଦ୍ଧି ଗତି ବଜାୟ ରଖିଛି। ୨୦୨୬-୨୭ ଆର୍ଥିକ ବର୍ଷର ପ୍ରଥମ ତ୍ରୈମାସିକ (ଏପ୍ରିଲରୁ ଜୁନ)ରେ ଦେଶର ପ୍ରକୃତ GDP ୭.୮ ପ୍ରତିଶତ ହାରରେ ଅଭିବୃଦ୍ଧି ପାଇଛି।
India’s exemplary GDP growth of 7.8% during Q1 of FY 2026-27 is a herculean feat.
The collective strength of our people ensured India delivered such growth despite oil price shocks and supply chain issues in the midst of global uncertainties.
Doomsayers were doomed and India…
— Narendra Modi (@narendramodi) August 31, 2026
Dharitri – Odisha’s No.1 Odia Daily
