ମସ୍କୋ, ୨୪।୧୦: ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସ୍ୱାସ୍ଥ୍ୟ ସମ୍ବନ୍ଧୀୟ କଳ୍ପନାଜଳ୍ପନାକୁ କ୍ରେମଲିନ୍ ମଙ୍ଗଳବାର ପ୍ରତ୍ୟାଖ୍ୟାନ କରିଛି। ପୁଟିନ ସମ୍ପୂର୍ଣ୍ଣ ଭଲ ଥିବା କୁହାଯାଇଛି। କ୍ରେମଲିନ୍ ମୁଖପାତ୍ର ଦିମିତ୍ରୀ ପେସ୍କୋଭ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ରାଷ୍ଟ୍ରପତି ସ୍ୱାସ୍ଥ୍ୟ ସମ୍ବଦିୟ ଖବରକୁ ପ୍ରତ୍ୟାଖାନ କରିଛନ୍ତି।
ମଙ୍ଗଳବାର କିଛି ଗଣମାଧ୍ୟମ ଟେଲିଗ୍ରାମ ସୂତ୍ରରୁ ମିଳିଥିବା ରିପୋର୍ଟ ପରେ ସାମ୍ବାଦିକମାନେ ପେସ୍କୋଭଙ୍କୁ ପୁଟିନଙ୍କ ସ୍ୱାସ୍ଥ୍ୟ ବିଷୟରେ ପଚାରିଥିଲେ ଯେ ରବିବାର ସନ୍ଧ୍ୟାରେ ରାଷ୍ଟ୍ରପତିଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୋଇଛି। ଅକ୍ଟୋବର ୭ ରେ ଭ୍ଲାଦିମିର ପୁଟିନଙ୍କୁ ୭୧ ବର୍ଷ ହୋଇଥିଲା। ତାଙ୍କର ଏହି ମାର୍ଗରେ ଗତ ସପ୍ତାହରେ ଚୀନ୍ ଗସ୍ତ ଅନ୍ତର୍ଭୁକ୍ତ ହୋଇଥିଲା ଏବଂ ଫେରିବା ବାଟରେ ଋଷର ଦୁଇଟି ସହରରେ ଅଟକିଥିଲେ।
