ଦିଗପହଣ୍ଡି,୨୩|୩(ଅଶେଷ ନାଥ ମିଶ୍ର): ଦିଗପହଣ୍ଡି ସ୍ଥିତ ଶ୍ରୀ ରାମଦୟା ପରିଷଦ ଶାଖା ଆନୁକୂଲ୍ୟରେ ବଜାର ସିଂହଦ୍ଵାର ଛକଠାରେ ଆସନ୍ତା ଏପ୍ରିଲ ୧୮ ଠାରୁ ୨୬ ତାରିଖ ପର୍ଯ୍ୟନ୍ତ ନବଦିନାତ୍ମକ ଶ୍ରୀ ରାମଚରିତ ମାନସ ପାରାୟଣ ଓ ପ୍ରବଚନ କାର୍ଯ୍ୟକ୍ରମ ଆୟୋଜନ କରାଯିବ। ରବିବାର ଏନେଇ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।
ବଡ଼ବ୍ରାହ୍ମଣ ସାହି ସ୍ଥିତ ଶ୍ରୀ ଗୋପାଳ ଜୀଉ ମଠ ପରିସରରେ ଏନ୍ଏସି ଅଧ୍ଯକ୍ଷ ପ୍ରଫୁଲ ପଣ୍ଡାଙ୍କ ସଭାପତିତ୍ବରେ ଅନୁଷ୍ଠିତ ବୈଠକରେ କାର୍ଯ୍ୟକ୍ରମର ସୁପରିଚାଳନା ସମ୍ପର୍କରେ ବିସ୍ତୃତ ଆଲୋଚନା କରାଯାଇଥିଲା।ନବ ଦିନାତ୍ମକ ପ୍ରବଚନ କାର୍ଯ୍ୟକ୍ରମରେ ବିଶିଷ୍ଟ ମାନସ ପ୍ରବକ୍ତା ପଣ୍ଡିତ ଉମାକାନ୍ତ ମହାପାତ୍ର, ପଣ୍ଡିତ ବିଜୟ ରାଘବେନ୍ଦ୍ର ମହାରାଜ ଏବଂ ମହନ୍ତ କମଳଲୋଚନ ମହାରାଜଙ୍କୁ ନିମନ୍ତ୍ରଣ ପାଇଁ ସଭାରେ ନିଷ୍ପତ୍ତି ନିଆଯାଇଥିଲା।
ସମସ୍ତ କାର୍ଯ୍ୟକ୍ରମ ପରିଚାଳନା ନିମନ୍ତେ ଏକ କମିଟି ଗଠନ କରାଯାଇଥିଲା। ଏନ୍ଏସି ଅଧ୍ଯକ୍ଷ ପ୍ରଫୁଲ ପଣ୍ଡାଙ୍କୁ କମିଟିର କାର୍ଯ୍ଯକାରୀ ସଭାପତି ଏବଂ ହରିକୃଷ୍ଣ ପଣ୍ଡାଙ୍କୁ ସଭାପତି ଭାବେ ସର୍ବସମ୍ମତ କ୍ରମେ ମନୋନୀତ କରାଯାଇଥିଲା। କାଳୁ ଚରଣ ପାଣିଗ୍ରାହୀ (କ) ଉପସଭାପତି, ଭାଗିରଥି ଚୌଧୁରୀ ସମ୍ପାଦକ, ପି. ଗୋବିନ୍ଦ ପାତ୍ର ସହସମ୍ପାଦକ ଏବଂ ଶିକ୍ଷକ କାଳୁଚରଣ ପାଣିଗ୍ରାହୀଙ୍କୁ କୋଷାଧ୍ୟକ୍ଷ ଭାବେ ମନୋନୀତ କରାଯାଇଥିଲା।
ସଭାରେ ଲକ୍ଷ୍ମୀ ନୃସିଂହ ମାର୍ଥା, ଜନାର୍ଦ୍ଦନ ପଣ୍ଡା, ସୁବାଷ ଚନ୍ଦ୍ର ପାଢ଼ୀ, ସତ୍ଯନାରାୟଣ ଦାଶ, ଲକ୍ଷ୍ମୀ ନାରାୟଣ ଦାଶ, ପ୍ରକାଶ ଚନ୍ଦ୍ର ପାଣିଗ୍ରାହୀ, ସୁବାଷ ଚନ୍ଦ୍ର ପାଢ଼ୀ, ସୁରେନ୍ଦ୍ର ପଟ୍ଟନାୟକ, ହରପ୍ରସାଦ ରଥ, ଏମ. ବାଇନାଥ, ଶ୍ଯାମାଚରଣ ମେକାପ, ସନ୍ତୋଷ ଚୌଧୁରୀ, ନରସିଂହ ପଣ୍ଡା, ଭୂବନେଶ୍ୱର ପଣ୍ଡା, ନୀଳମାଧବ ଗୌଡ, ହରିକୃଷ୍ଣ ସାହୁ, ବାଲ୍ମୀକି ବେହେରା, ବାବି ପୂଜାରୀ, ବିନୋଦ ଦାଶ ଓ ସନ୍ତୋଷ କୁମାର ପାଢ଼ୀ ଙ୍କ ସମେତ ସହରର ବହୁ ଗଣ୍ୟମାନ୍ୟ ବ୍ୟକ୍ତିବୃନ୍ଦ ଉପସ୍ଥିତ ଥିଲେ।
