ପାଟଣା,୧୫ା୩(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ସାରସକେଲା ପଞ୍ଚାୟତ ତୁଳସୀପୁରଠାରେ ପାଟଣା ସଂରକ୍ଷିତ ଜଙ୍ଗଲକୁ ଲାଗିଥିବା ଏକ ସୁରମ୍ୟ ଜଙ୍ଗଲ ପରି ବେଷ୍ଟିତ ଅଞ୍ଚଳରେ ରବିବାର ପ୍ରଜ୍ଞାନ ମିଶନ ତରଫରୁ ୭ ଏକରରୁ ଊଦ୍ଧର୍ବ ପରିମିତ ଜମିରେ ହରିହରାନନ୍ଦ ଅରଣ୍ୟା ଆଶ୍ରମ ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବ। ଏଥିପାଇଁ ଭକ୍ତିମୟ ପରିବେଶରେ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି। ଆଶ୍ରମ ପ୍ରତିଷ୍ଠା ଦ୍ୱାରା ପାଟଣା ଓ ଏହାର ଆଖପାଖ ଅଞ୍ଚଳରେ ଆଧ୍ୟାତ୍ମିକ ଚେତନାର ଉଦ୍ରେକ ସହ ଶାରୀରିକ ସୁସ୍ଥତା ଓ ନିରୋଗ ରହିବାର ଯୋଗର ପ୍ରସାର ଓ ପ୍ରସାର ହେବ ବୋଲି ମତ ପ୍ରକାଶ ପାଇଛି। କାର୍ଯ୍ୟକ୍ରମରେ ରବିବାର ସକାଳ ୬ରେ କ୍ରିୟା ଯୋଗ ଧ୍ୟାନ, ୯ ଟାରେ ଗୁରୁ ପାଦୁକାପୂଜା, ହୋମ, ଅପରାହ୍ନ ୪ଟା ୩୦ରେ ଭଜନ ସମାରୋହ, ସନ୍ଧ୍ୟା ୬ଟାରେ ସତସଙ୍ଗ ପରମ ହଂସ ପ୍ରଜ୍ଞାନାନନ୍ଦ ମହାରାଜଙ୍କ, ରାତି ୮ଟାରେ ପ୍ରସାଦ ସେବନ ବ୍ୟବସ୍ଥା ରହିଛି। ସୋମବାର ସକାଳ ୭ ଘଟିକାରେ କ୍ରିୟା ଯୋଗ ଦୀକ୍ଷା ଗ୍ରହଣ ବ୍ୟବସ୍ଥା ରହିଛି। ଶ୍ରଦ୍ଧାଳୁ ଓ ଆଧ୍ୟାତ୍ମିକ ବାଦି ବିପୁଳ ସଂଖ୍ୟାରେ ଯୋଗ ଦେଇ ଏହି ଆଧ୍ୟାତ୍ମିକ ଚେତନା ଜାଗରଣ କେନ୍ଦ୍ରରେ ଅଂଶଗ୍ରହଣ କରିବାକୁ ପ୍ରଜ୍ଞାନ ମିଶନ ତରଫରୁ ନିବେଦନ କରାଯାଇଛି।
