ପାଟନା,୭।୧: ପ୍ରଶାନ୍ତ କିଶୋରଙ୍କୁ ନେଇ ଏକ ବଡ ଖବର ସାମ୍ନାକୁ ଆସୁଛି। ମିଳିଥିବା ସୂଚନା ଅନୁଯାୟୀ, ମଙ୍ଗଳବାର ସକାଳେ ଭୋକ ଉପାସରେ ଥିବା ପ୍ରଶାନ୍ତ କିଶୋରଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଛି। ମିଳିଥିବା ସୂଚନା ଅନୁଯାୟୀ ଜନ ସୁରଜ ପାର୍ଟିର କର୍ମୀମାନେ ପ୍ରଶାନ୍ତ କିଶୋରଙ୍କୁ ମେଦାନ୍ତ ହସ୍ପିଟାଲକୁୁ ନେଇଛନ୍ତି, ଯେଉଁଠାରେ ଡାକ୍ତରଙ୍କ ପରାମର୍ଶରେ ତାଙ୍କୁ ଭର୍ତ୍ତି କରାଯାଇଛି। ଏହାପୂର୍ବରୁ ଆମ୍ବୁଲାନ୍ସ ପ୍ରଶାନ୍ତ କିଶୋରଙ୍କ ବାସଭବନରେ ପହଞ୍ଚି ତାଙ୍କୁ ଡାକ୍ତରଖାନା ନିଆଯାଇଥିଲା। ସୂଚନାଯୋଗ୍ୟ, ଆଜି ପ୍ରଶାନ୍ତ କିଶୋରଙ୍କ ଆମରଣ ଅନଶନର ଷଷ୍ଠ ଦିନ।
ସୂଚନାଯୋଗ୍ୟ, ମଙ୍ଗଳବାର ପ୍ରଶାନ୍ତ କିଶୋର ପାଟଣାର ଶେଖପୁରା ହାଉସରେ ଜନ ସୁରଜ ପାର୍ଟିର ଏକ ବୈଠକ ଡାକିଥିଲେ। ଏହି ବୈଠକରେ ଜନ ସୁରଜର ସଦସ୍ୟଙ୍କ ସହ ପରବର୍ତ୍ତୀ ଯୋଜନା ଉପରେ ଆଲୋଚନା କରାଯିବ। ଏହି ସଭାରେ ନିଷ୍ପତ୍ତି ନିଆଯାଉଥିଲା କେଉଁ ସ୍ଥାନରେ ପ୍ରଶାନ୍ତ କିଶୋର ଉପବାସ ଜାରି ରଖିବେ। କିନ୍ତୁ ଏହାପୂର୍ବରୁ ପ୍ରଶାନ୍ତ କିଶୋରଙ୍କ ସ୍ବାସ୍ଥ୍ୟ ଅବସ୍ଥା ବିଗିଡି ଯାଇଥିଲା ଏବଂ ପରେ ତାଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା।
