ନୂଆଦିଲ୍ଲୀ.୧୧।୩: ଉତ୍ତରପ୍ରଦେଶ, ଉତ୍ତରଖଣ୍ଡ, ପଞ୍ଜାବ, ମଣିପୁର ଏବଂ ଗୋଆ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇଛି। ଏହି ପାଞ୍ଚଟି ରାଜ୍ୟ ମଧ୍ୟରୁ ୪ଟିରେ ଭାଜପା ଏକକ ସଂଖ୍ୟାଗରିଷ୍ଠତା ହାସଲ କରିଛି। ଭାଜପାର ଏହି ସଫଳତା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଯାଦୁ ଉପରେ ପୁଣିଥରେ ଆଲୋଚନା ଆରମ୍ଭ ହୋଇଛି। ୨୦୨୪ରେ ହେବାକୁ ଥିବା ଲୋକ ସଭା ନିର୍ବାଚନର ଫଳାଫଳ ସହିତ ଏହାକୁ ସଂଯୋଗ କରି ଲୋକମାନେ ଏହାକୁ ଦେଖୁଛନ୍ତି। ୨୦୨୪ରେ ମଧ୍ୟ ଭାଜପା ଆସିବା ନିଶ୍ଚିତ ବୋଲି ଚର୍ଚ୍ଚା ହେଉଛି। କିନ୍ତୁ ରାଜନୈତିକ ରଣନୀତିଜ୍ଞ ପ୍ରଶାନ୍ତ କିଶୋର ଏଥିରେ ସହମତ ନୁହଁନ୍ତି।
ଏହି ଫଳାଫଳକୁ ଦେଖି ପ୍ରଶାନ୍ତ କିଶୋର କହିଛନ୍ତି ଯେ ୨୦୨୪ରେ ଅସଲ ଲଢେଇ ହେବ। ୨୦୨୪ର ଲଡେଇ କୌଣସି ରାଜ୍ୟର ଫଳାଫଳ ଦ୍ୱାରା ସ୍ଥିର ହେବ ନାହିଁ। ସାହେବ ଏହା ମଧ୍ୟ ଜାଣନ୍ତି। ତେଣୁ ବିରୋଧୀଙ୍କ ଉପରେ ଏକ ମାନସିକ ଚାପ ସୃଷ୍ଟି କରିବାକୁ ସେ ରାଜ୍ୟ ଫଳାଫଳରୁ ଏକ ପରିବେଶ ସୃଷ୍ଟି କରୁଛନ୍ତି। ଏହା ଅତ୍ୟନ୍ତ ଚତୁର ପ୍ରୟାସ, କିନ୍ତୁ ଏହିପରି ମିଛର ଶିକାର ହୁଅ ନାହିଁ ସେ ବିରୋଧୀଙ୍କୁ ଚେତାବନୀ ଦେଇଛନ୍ତି।
ରାଜନୈତିକ ରଣନୀତିଜ୍ଞ ପ୍ରଶାନ୍ତ କିଶୋରଙ୍କୁ ଭାଜପାର ଜଣେ ପ୍ରତିଦ୍ୱନ୍ଦ୍ୱୀ ଭାବରେ ବିବେଚନା କରାଯାଏ। ସେ ସମୟ ସମୟରେ ଭାଜପା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ସ୍ବର ଉତ୍ତୋଳନ କରୁଛନ୍ତି।
