ଭୁବନେଶ୍ୱର,୧୮ା୭(ଅନିଲ ଦାସ): ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ସୋମବାର ରାଜ୍ୟ କାର୍ଯ୍ୟାଳୟ ଏବଂ ରାଉରକେଲା ବିଜେଡି ଜିଲାର କର୍ମକର୍ତ୍ତା ନିଯୁକ୍ତି କରାଯାଇଛି। ବିଜେଡି ପକ୍ଷରୁ ପ୍ରକାଶିତ ପ୍ରେସ ବିଜ୍ଞପ୍ତି ଅନୁଯାୟୀ ରାଉରକେଲା ସାଙ୍ଗଠନିକ ଜିଲା କାର୍ଯ୍ୟକାରୀ ସଭାପତି ଭାବେ ପ୍ରଦ୍ୟୁମ୍ନ ତ୍ରିପାଠୀଙ୍କୁ ନିଯୁକ୍ତି ଦିଆଯାଇଛି। ସେହିପରି ଏହି ସାଙ୍ଗଠନିକ ଜିଲାରେ ୮ ଜଣ ଉପସଭାପତି , ୮ ଜଣ ସାଧାରଣ ସମ୍ପାଦକ ଏବଂ ୧୪ ସମ୍ପାଦକ, ୮ ଜଣ ଯୁଗ୍ମ ସମ୍ପାଦକ, ୧୪ ଜଣ ଉପଦେଷ୍ଟାଙ୍କୁ ନିଯୁକ୍ତି ଦିଆଯାଇଛି। ଉପସଭାପତି ଭାବେ ନୀହାର ସୁରିନ, ଭିମେଶ ଚୌଧୁରୀ, ରଞ୍ଜିତ କିଷାନ, ସୁଦାମ ଦାସ, ଜୟନ୍ତ ମିଶ୍ର, ଜ୍ୟୋତିରଞ୍ଜନ ମହାନ୍ତି, ଶ୍ରୀଚରଣ ସାମଲ, ପ୍ରଦୀପ ରାଉତରାୟଙ୍କୁ ନିଯୁକ୍ତି ଦିଆଯାଇଛି। ସେହିପରି ସାଧାରଣ ସମ୍ପାଦକ ଭାବେ ମୁକୁଲ ଏକ୍କା, ସନ୍ଦୀପ ମିଶ୍ର, ରାଜେନ୍ଦ୍ର କୁଜୁର, ସିବେୟାନ ଆଇଣ୍ଡ, ବିଜୟ ପଟ୍ଟନାୟକ, ଗଣେଶ୍ୱର ରାୟ, ଗୋବିନ୍ଦ ତନ୍ତୀ ଏବଂ ଜ୍ଞାନରଞ୍ଜନ ଜେନାଙ୍କୁ ନିଯୁକ୍ତି ଦିଆଯାଇଛି।
