ପାର୍ଟି ଫଙ୍କଶନ୍ରେ ଟ୍ରାଡିସନାଲ୍ ହେଉ ଅବା ଏଥେନିକ୍ ଆଉଟ୍ଫିଟ୍ ସାଙ୍ଗରେ ମ୍ୟାଚିଂ କରି ହାତରେ ହ୍ୟାଣ୍ଡବ୍ୟାଗ୍ କିମ୍ବା କ୍ଲଚ୍ ଧରିଲେ ଲୁକ୍ ବେଶ୍ ଆକର୍ଷଣୀୟ ଲାଗିଥାଏ। ଏବେ ତ ପୋଟ୍ଲି ବ୍ୟାଗ୍ର ଟ୍ରେଣ୍ଡ ଖୁବ୍ ଚାଲିଥିବାର ଦେଖିବାକୁ ମିଳୁଛି। ଏହାର ମଧ୍ୟ ଅନେକ ଭେରାଇଟି ରହିଛି; ଯାହାକୁ ଟ୍ରାଏ କରି ନାରୀମାନେ ଅତି ସହଜରେ ଆକର୍ଷଣୀୟ ପାର୍ଟି ଲୁକ୍ ପାଇପାରିବେ…
* ପିଙ୍କ୍ ପୋଟ୍ଲି ବ୍ୟାଗ୍: ବାହାଘର, ପାର୍ଟି ଆଦିରେ ଯଦି ଆପଣଙ୍କର ପିଙ୍କ୍ କଲର୍ର ଶାଢି କିମ୍ବା କୌଣସି ହେଭି ଡିଜାଇନ୍ର ଆଉଟ୍ଫିଟ୍ ପିନ୍ଧିବାର ପ୍ଲାନିଂ ଅଛି, ତା’ହେଲେ ତା’ସହିତ ମ୍ୟାଚିଂ କରି ପିଙ୍କ୍ କଲର୍ର ଯେ କୌଣସି ଟ୍ରାଡିସ୍ନାଲ୍ ପୋଟ୍ଲି ବ୍ୟାଗ୍ ଟ୍ରାଏ କରିପାରିବେ। ଏହା ଆପଣଙ୍କୁ ଗର୍ଜିୟସ୍ ଲୁକ୍ ଦେବ।
* ବ୍ରାଇଡାଲ୍ ପୋଟ୍ଲି ବ୍ୟାଗ୍: ବାହାଘର ଦିନ ଲୁକ୍କୁ ଆହୁରି ଆକର୍ଷଣୀୟ କରିବା ପାଇଁ ଲେହେଙ୍ଗାକୁ ମ୍ୟାଚିଂ କରି ଯେ କୌଣସି ଡିଜାଇନ୍ର ବ୍ରାଇଡାଲ୍ ପୋଟ୍ଲି ବ୍ୟାଗ୍ ଆରାମରେ କ୍ୟାରି କରାଯାଇପାରେ।
* ଗ୍ରୀନ୍ କଲର୍ ପୋଟ୍ଲି ବ୍ୟାଗ୍: ମେହେନ୍ଦି ଫଙ୍କଶନ୍ରେ ଗ୍ରୀନ୍ କଲର୍ର ପୋଟ୍ଲି ବ୍ୟାଗ୍ ଟ୍ରାଏ କଲେ ଲୁକ୍କୁ ପରଫେକ୍ଟ ମ୍ୟାଚ୍ କରିଥାଏ। ଖାସ୍ କରି ଗ୍ରୀନ୍ କଲର୍ର ଶାଢି ସାଙ୍ଗରେ ଏହି କଲର୍ର ପୋଟ୍ଲି ବ୍ୟାଗ୍ ଅଧିକ ସୁନ୍ଦର ଦେଖାଯାଇଥାଏ।
* ଲାଇଟ୍ କଲର୍ର ପୋଟ୍ଲି ବ୍ୟାଗ୍: ଅଧିକାଂଶ ସମୟରେ ଦେଖାଯାଏ, ପ୍ରି-ଓ୍ବେଡିଙ୍ଗ୍ ଫଙ୍କଶନ୍ ପ୍ରାୟତଃ ଦିନବେଳା ହୋଇଥାଏ। ଦିନବେଳା ହେଉଥିବା ଏହି ଫଙ୍କସନ୍ରେ ଆପଣ ଚାହିଁଲେ ଲାଇଟ୍ କଲର୍ର ଯେ କୌଣସି ପୋଟ୍ଲି ବ୍ୟାଗ୍କୁ ଟ୍ରାଏ କରିପାରିବେ। କାରଣ ଏହା ସବୁ ପ୍ରକାରର ଆଉଟ୍ଫିଟ୍ ସହ ଭଲ ମ୍ୟାଚ୍ କରିଥାଏ।
* ମ୍ୟାଚିଂ ପୋଟ୍ଲି ବ୍ୟାଗ୍: କେବଳ ଶାଢି, ଲେହେଙ୍ଗା କାହିଁକି ପାର୍ଟି ଫଙ୍କଶନ୍ରେ ଯୁବତୀମାନେ ଚାହିଁଲେ ଅନାରକଲି ଡ୍ରେସ୍ ହେଉ ଅବା ସାଲଓ୍ବାର୍ ସୁଟ୍ ସହ ମଧ୍ୟ ମ୍ୟାଚିଂ ପୋଟ୍ଲି ବ୍ୟାଗ୍ କ୍ୟାରି କରିପାରିବେ।
* ଫର୍ ଡିଜାଇନ୍ ପୋଟ୍ଲି ବ୍ୟାଗ୍: ଆଜିକାଲି ଫର୍ ଡିଜାଇନ୍ ପୋଟ୍ଲି ବ୍ୟାଗ୍ ବି ମିଳିଲାଣି। ଖାସ୍କରି ଧଳା ରଙ୍ଗର ଫର୍ ଡିଜାଇନ୍ ହୋଇଥିବା ପୋଟ୍ଲି ବ୍ୟାଗ୍କୁ ଆପଣ ନେଟ୍ ଡିଜାଇନ୍ ଶାଢି ସହ କ୍ୟାରି କଲେ ଲୁକ୍ ବେଶ୍ ଆଟ୍ରାକ୍ଟିଭ୍ ଲାଗିଥାଏ।
* ଇଣ୍ଡୋ-ଓ୍ବେଷ୍ଟର୍ନ ଡ୍ରେସ୍ ସହ ପୋଟ୍ଲି ବ୍ୟାଗ୍: କେବଳ ଟ୍ରାଡିସ୍ନାଲ୍ କି ଏଥେନିକ୍ ଆଉଟ୍ଫିଟ୍ କାହିଁକି ଆପଣ ଚାହିଁଲେ ଇଣ୍ଡୋ-ଓ୍ବେଷ୍ଟର୍ନ ଡ୍ରେସ୍ ସହ ମଧ୍ୟ ପୋଟ୍ଲି ବ୍ୟାଗ୍କୁ କ୍ୟାରି କରିପାରିବେ। ଖାସ୍ କରି ଏହି ଆଉଟ୍ଫିଟ୍ ସହିତ ମ୍ୟାଚିଂ କରି ଗୋଲ୍ଡେନ୍ ହେଉ କିମ୍ବା ସିଲ୍ଭର୍ କଲର୍ର ପୋଟ୍ଲି ବ୍ୟାଗ୍ ଟ୍ରାଏ କଲେ ଲୁକ୍ ବେଶ୍ ଷ୍ଟାଇଲିଶ୍ ଲାଗିଥାଏ।
ଜାଣିବା କଥା
– ଶାଢି ସାଙ୍ଗରେ ପୋଟ୍ଲି ବ୍ୟାଗ୍ ଟ୍ରାଏ କରିବା ସମୟରେ ଧ୍ୟାନ ଦେବେ, ଯେମିତି ଏହା ଶାଢି ସାଙ୍ଗକୁ ଠିକ୍ ଭାବରେ ହାଇଲାଇଟ୍ ହୋଇପାରୁଥିବ।
– ଷ୍ଟୋନ କିମ୍ବା ଜୁଏଲେରୀ ଖଚିତ ପୋଟ୍ଲି ବ୍ୟାଗ୍କୁ କେବେ ବି ହେଭି ଓ୍ବାର୍କ ବାଲା ଆଉଟ୍ଫିଟ୍ ସହ କ୍ୟାରି କରିବା ଠିକ୍ ନୁହେଁ। କାରଣ ଏହାଦ୍ୱାରା ପୋଟ୍ଲି ବ୍ୟାଗ୍ର ଆକର୍ଷଣ ଫିକା ପଡିଗଲା ଭଳି ଜଣାଯାଇଥାଏ।