ନୂଆଦିଲ୍ଲୀ,୧।୨: ସଂସଦରେ ବଜେଟ ଉପସ୍ଥାପନ କରୁଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରାମନ। ବଜେଟ ଉପସ୍ଥାପନ କରି ଅର୍ଥମନ୍ତ୍ରୀ କହିଛନ୍ତି, ଆମର ଅର୍ଥନୀତି ସମସ୍ତ ପ୍ରମୁଖ ଅର୍ଥନୀତି ମଧ୍ୟରେ ସବୁଠାରୁ ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି। ଗତ ୧୦ ବର୍ଷ ଧରି ଆମର ବିକାଶ ଟ୍ରାକ ରେକର୍ଡ ବିଶ୍ୱରେ ଦୃଷ୍ଟି ଆକର୍ଷଣ କରିଛି। ଏହି ବଜେଟରେ ୧୦ଟି ଦିଗ ପ୍ରତି ବିଶେଷ ଧ୍ୟାନ ଦିଆଯାଇଛି। ଗରିବ, ଯୁବକ, ଅନ୍ନଦାତା, ଓମେନ୍ ଇନ ଇଣ୍ଡିଆକୁ ଆହୁରି ଆଗକୁ ବଢ଼ାଇବା ଓ MSME ଆଦି ଫୋକସରେ ରହିଛି। ସରକାର ବଜେଟରେ କାହା ପାଇଁ କ’ଣ ପ୍ଲାନିଂ କରିଛନ୍ତି ତାହା ଏବେ ଧୀରେ ଧୀରେ ସ୍ପଷ୍ଟ ହେବାରେ ଲାଗିଛି। ମଧ୍ୟବିତ୍ତ ବର୍ଗଙ୍କ ପାଇଁ ୧୨ ଲକ୍ଷ ଟଙ୍କା ପର୍ଯ୍ୟନ୍ତ ଆୟକୁ ଟିକସମୁକ୍ତ କରି, ସରକାର କୋଟି କୋଟି ଲୋକଙ୍କୁ ଖୁସି କରିବାରେ ସଫଳ ହୋଇଛନ୍ତି। କେବଳ ଏତିକି ନୁହେଁ, ସରକାର ବଜେଟରେ ମୁଦ୍ରାସ୍ଫୀତି ସମ୍ମୁଖରୁ ଗରିବ ଲୋକଙ୍କୁ କିଛି ଆଶ୍ୱସ୍ତି ଦେବା ପାଇଁ କିଛି ପ୍ରୟାସ କରୁଥିବା ଜଣାପଡ଼ିଛି।
ଗୋଟିଏ ପଟେ, ଡାଲି କ୍ଷେତ୍ରରେ ଆତ୍ମର୍ନିଭରଶୀଳ ହେବା ପାଇଁ, ଜଳବାୟୁ ଅନୁସାରେ ବିହନ ବିକଶିତ କରିବା ଏବଂ ଉତ୍ପାଦିତ ଦ୍ରବ୍ୟର ସଂରକ୍ଷଣ ଉପରେ ଧ୍ୟାନ ଦେବା ପାଇଁ ଏକ ପଦକ୍ଷେପ ନିଆଯାଇଛି। ତେଣୁ ବଜେଟ ବିଷୟରେ ସବୁଠାରୁ ଆକର୍ଷଣୀୟ ଏବଂ ଗୁରୁତ୍ୱପୂର୍ଣ୍ଣ ସୂଚନା ହେଉଛି ଯେ ସରକାର ମହଙ୍ଗା ପନିପରିବା ଏବଂ ଫଳର ମୂଲ୍ୟ ନିୟନ୍ତ୍ରଣ କରିବା ପାଇଁ ଏକ ଯୋଜନା ପ୍ରସ୍ତୁତ କରିବା ବିଷୟରେ କଥା ହୋଇଛନ୍ତି। ଏହା ବହୁତ ଉତ୍ସାହଜନକ ଯେ ଏବେ ଦେଶର ଲୋକମାନେ ସେମାନଙ୍କର ପୁଷ୍ଟିକର ଆବଶ୍ୟକତା ବିଷୟରେ ସଚେତନ ହେଉଛନ୍ତି। ଏହା ସୁସ୍ଥ ସମାଜର ଏକ ଲକ୍ଷଣ। ମୋଦି ସରକାର ଏହି ପନିପରିବା ଏବଂ ଫଳର ଉତ୍ପାଦନ ବୃଦ୍ଧି, ସେମାନଙ୍କର ପ୍ରଭାବଶାଳୀ ଯୋଗାଣ, ସେମାନଙ୍କର ପ୍ରକ୍ରିୟାକରଣ ଏବଂ କୃଷକମାନଙ୍କ ପାଇଁ ଲାଭକୁ ପ୍ରୋତ୍ସାହିତ କରିବା ପାଇଁ ଏକ ବ୍ୟାପକ କାର୍ଯ୍ୟକ୍ରମ ଆରମ୍ଭ କରିବେ। ଏହି କାର୍ଯ୍ୟକ୍ରମ ରାଜ୍ୟଗୁଡ଼ିକର ଅଂଶଗ୍ରହଣରେ କାର୍ଯ୍ୟକାରୀ ହେବ।
