ୱାରସ,୧୭ ।୩: ୟୁକ୍ରେନ୍ ରୁଷିଆ ମଧ୍ୟରେ ୧ ବର୍ଷରୁ ଊର୍ଦ୍ଧ୍ୱ ସମୟ ହେଲା ଯୁଦ୍ଧ ଲାଗି ରହିଛି । ଏବେ ଉଭୟ ଦେଶର ହଜାର ହଜାର ସେନା ଶହୀଦ ହୋଇଥିବା ବେଳେ ହଜାର ହଜାର ସାଧାରଣ ନାଗରିକଙ୍କ ଜୀବନ ବି ଯାଇଛି । ଏବେ ୟୁକ୍ରେନ ଓ ରୁଷିଆକୁ ଏମାନଙ୍କ ସହଯୋଗୀ ଦେଶ ଖୋଲାଖୋଲି ଭାବେ ସହଯୋଗ କରି ଆସୁଛନ୍ତି ।
ଏହାରି ଭିତରେ ପୋଲାଣ୍ଡର ରାଷ୍ଟ୍ରପତି ଆନ୍ଦ୍ରେ ଡୁଡା ଗୁରୁବାର ଘୋଷଣା କରିଛନ୍ତି କି ପୋଲାଣ୍ଡ ୟୁକ୍ରେନକୁ ୪ଟି ଏମଆଇଜି ୨୯ ଫାଇଟର ଜେଟ ଦେବ । ଏହି ୱାର ପ୍ଲେନ ଆଗାମୀ ଦିନରେ ୟୁକ୍ରେନକୁ ଦିଆଯିବ । ସୂଚନାଯୋଗ୍ୟ, ପୋଲାଣ୍ଡ ପ୍ରଥମ ନାଟୋ ସଦସ୍ୟ ଦେଶଭାବେ ୟୁକ୍ରେନକୁ ଯୁଦ୍ଧ ବିମାନ ଦେବାକୁ ଘୋଷଣା କରିଛି । ପୋଲାଣ୍ଡର ଏହି ପଦକ୍ଷେପ ଯୁଦ୍ଧକୁ ମଜଭୁତ କରିବାରେ ସହାୟକ ହେବ । ଏବେ ପୋଲାଣ୍ଡରେ ପ୍ରାୟ ଏକ ଡଜନ ସୋଭିଏତ ନିର୍ମିତ ମିଗ-୨୯ ରହିଛି, ଯାହାକୁ ପ୍ରଥମେ ଇଷ୍ଟ ଜର୍ମାନ ଷ୍ଟକରୁ ୧୯୯୦ ଦଶକର ଆରମ୍ଭରେ ମିଳିଥିଲା ।
