କୋଲକାତା,୩୦।୪: ଆଇପିଏଲ ୨୦୨୪ର ୪୭ତମ ମ୍ୟାଚରେ କୋଲକାତା ନାଇଟ ରାଇଡର୍ସ ଦିଲ୍ଲୀ କ୍ୟାପଟାଲ୍ସକୁ ପରାସ୍ତ କରିଛି। ଇଡେନ ଗାର୍ଡେନ୍ସରେ ଖେଳାଯାଇଥିବା ମ୍ୟାଚରେ କୋଲକାତା ୭ ଉଇକେଟରେ ଜିତିଛି। ଏହା କେକେଆର୍ ପାଇଁ ଏକପାଖିଆ ବିଜୟ ଥିଲା। ବର୍ତ୍ତମାନ ଏହି ବିଜୟ ପରେ ପଏଣ୍ଟ ଟେବୁଲରେ କ’ଣ ପରିବର୍ତ୍ତନ ହୋଇଛି ଆସନ୍ତୁ ଜାଣିବା।
ବିଜୟ ପରେ କୋଲକାତା ୧୨ ପଏଣ୍ଟ ଏବଂ ନେଟ ରନ ହାର +୧.୦୯୬ ସହିତ ଦ୍ୱିତୀୟ ସ୍ଥାନରେ ଅଛି। ଏହା ବ୍ୟତୀତ ହାରିଥିବା ଦିଲ୍ଲୀ ଦଳ ଷଷ୍ଠ ସ୍ଥାନରେ ରହିଛି। ଦିଲ୍ଲୀର ୧୦ ପଏଣ୍ଟ ଏବଂ ନେଟ ରନ ହାର -୦.୪୪୨ ରହିଛି।
ରାଜସ୍ଥାନ ରୟାଲ୍ସ ୧୬ ପଏଣ୍ଟ ସହ ଶୀର୍ଷ ସ୍ଥାନରେ ଅଛି। ତା’ପରେ କୋଲକାତା ୧୨ ପଏଣ୍ଟ ସହ ଦ୍ୱିତୀୟ ସ୍ଥାନରେ ଅଛି। ଏହା ପରେ ଚେନ୍ନାଇ ସୁପର କିଙ୍ଗ୍ସ ଏବଂ ସନରାଇଜର୍ସ ହାଇଦ୍ରାବାଦ ଯଥାକ୍ରମେ ୧୦-୧୦ ପଏଣ୍ଟ ସହ ତୃତୀୟ ଏବଂ ଚତୁର୍ଥ ସ୍ଥାନରେ ରହିଛି। ଚେନ୍ନାଇର ନେଟ ରନ ହାର +୦.୮୧୦ ଏବଂ ହାଇଦ୍ରାବାଦର ନେଟ ରନ ହାର +୦.୦୭୫ ରହିଛି।
ଲକ୍ଷ୍ନୌ ସୁପର ଜିଆଣ୍ଟସ ଏବଂ ଦିଲ୍ଲୀ କ୍ୟାପିଟାଲ୍ସ ଯଥାକ୍ରମେ ୧୦-୧୦ ପଏଣ୍ଟ ସହିତ ପଞ୍ଚମ ଏବଂ ଷଷ୍ଠ ସ୍ଥାନରେ ଅଛନ୍ତି। ଏହା ପରେ ଗୁଜରାଟ ଟାଇଟାନ୍ସ ୮ ପଏଣ୍ଟ ସହ ସପ୍ତମ ସ୍ଥାନରେ ରହିଛି। ତା’ପରେ ପଞ୍ଜାବ କିଙ୍ଗସ, ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଯଥାକ୍ରମେ ୬-୬ ପଏଣ୍ଟ ସହ ଅଷ୍ଟମ, ନବମ ଏବଂ ଦଶମ ସ୍ଥାନରେ ରହିଛି।
