ଇସଲାମାବାଦ,୨୫।୧୨ : ଲାହୋର କୋର୍ଟ ପାକିସ୍ତାନ ପ୍ରଧାନମନ୍ତ୍ରୀ ଶେହାବାଜ ସରିଫଙ୍କ ପୁଅ ସୁଲେମାନ ଶେହାବାଜଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି। ମନି ଲଣ୍ଡରିଂ ମାମଲାରେ ସୁଲେମାନଙ୍କୁ ଅପରାଧୀ ଘୋଷିତ କରାଯାଇଥିଲା। ତଦନ୍ତରେ ସହଯୋଗର ସର୍ତ୍ତରେ କୋର୍ଟ ସୁଲେମାନଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି। ଏହି ମାମଲାର ପରବର୍ତ୍ତୀ ଶୁଣାଣି ଜାନୁଆରୀ ୭ ରେ ହେବ।
ଶାହବାଜ ସରିଫଙ୍କ ପଳାତକ ପୁତ୍ର ସୁଲେମାନ ଚାରି ବର୍ଷ ଲଣ୍ଡନରେ ଆତ୍ମନିର୍ବାସନ ପରେ ଡିସେମ୍ବର ୧୧ ରେ ସ୍ବଦେଶ ଫେରିଥିଲେ। ତାଙ୍କ ବିରୋଧରେ ଦୁର୍ନୀତିର ଅନେକ ଅଭିଯୋଗ ରହିଛି। ଆତ୍ମସମର୍ପଣ ପାଇଁ ଡିସେମ୍ବର ୧୩ ପର୍ଯ୍ୟନ୍ତ କୋର୍ଟ ସୁଲେମାନଙ୍କୁ ସମୟ ଦେଇଥିଲେ।
ଶେହବାଜ ସରିଫଙ୍କ ପଳାତକ ପୁତ୍ର ସୁଲେମାନ ଚାରି ବର୍ଷ ଲଣ୍ଡନରେ ଆତ୍ମନିର୍ବାସନ ପରେ ଡିସେମ୍ବର ୧୧ ରେ ସ୍ବଦେଶ ଫେରିଥିଲେ। ତାଙ୍କ ବିରୋଧରେ ଦୁର୍ନୀତିର ଅନେକ ଅଭିଯୋଗ ରହିଛି। ଆତ୍ମସମର୍ପଣ ପାଇଁ ଡିସେମ୍ବର ୧୩ ପର୍ଯ୍ୟନ୍ତ କୋର୍ଟ ସୁଲେମାନଙ୍କୁ ସମୟ ଦେଇଥିଲେ।
ସାଧାରଣ ନିର୍ବାଚନ ପୂର୍ବରୁ ନ୍ୟାଶନାଲ ଆକାଉଣ୍ଟେବିଲିଟି ବ୍ୟୁରୋ (ଏଫଆଇଏ) ତାଙ୍କ ବିରୋଧରେ ଅନେକ ମାମଲା ପଞ୍ଜୀକୃତ କରିଥିବା ବେଳେ ୨୦୧୮ ଠାରୁ ସୁଲେମାନ ତାଙ୍କ ପରିବାର ସହ ଲଣ୍ଡନରେ ଥିଲେ। ସେ କିଛି ଶୁଣାଣିରେ ହାଜର ହେବା ପରେ ପାକିସ୍ତାନ ଛାଡିଥିଲେ। ଫେରିବା ପୂର୍ବରୁ ସୁଲେମାନ ଏକ ବିବୃତ୍ତିରେ କହଥିଲେ ଯେ ନୂତନ ରାଜନୈତିକ ଆଦେଶକୁ ସବିଧା ପାଇଁ ସେ ତଥା ତାଙ୍କ ପରିବାର ବିରୋଧରେ ଜାଲିଆତି ଏବଂ ମନିପୁଲେଶନ ମାମଲା ଦାୟର କରାଯିବା ପରେ ସେ ତାଙ୍କ ସୁରକ୍ଷା ପାଇଁ ପାକିସ୍ତାନ ଛାଡିବାକୁ ବାଧ୍ୟ ହୋଇଥିଲେ।
ସୁଲେମାନଙ୍କ ବିରୋଧରେ ଗିରଫ ପରୱାନା ଜାରି କରାଯାଇଥିଲା। ତେବେ କୋର୍ଟରେ ଦାଖଲ ହୋଇଥିବା ରିପୋର୍ଟରେ ଏଫଆଇଏ କହିଛି ଯେ ସୁଲେମାନ ତାଙ୍କ ଠିକଣାରେ ଉପସ୍ଥିତ ନ ଥିବାରୁ ବିଦେଶ ଯାଇଥିବାରୁ ୱାରେଣ୍ଟ କାର୍ଯ୍ୟକାରୀ ହୋଇପାରିବ ନାହିଁ। ଚଳିତ ବର୍ଷ ଜୁଲାଇରେ ନିମ୍ନ ଅଦାଲତ ସୁଲେମାନଙ୍କୁ ଘୋଷିତ ଅପରାଧୀ ଭାବରେ ଘୋଷଣା କରିବା ସହ ୧୬ ବିଲିୟନ ଟଙ୍କା ଲଣ୍ଡରିଂ ମାମଲାରେ ଅନ୍ୟ ଜଣେ ପଳାତକ ବ୍ୟକ୍ତି ଭାବେ ଘୋଷଣା କରିଥିଲେ।
