ନୂଆଦିଲ୍ଲୀ,୯ ।୩: ଅହମଦାବାଦର ମୋଟେରା ଷ୍ଟାଡିୟମରେ ଭାରତ-ଅଷ୍ଟ୍ରେଲିଆ ମଧ୍ୟରେ ଟେଷ୍ଟ ମ୍ୟାଚର ଆୟୋଜନ ହେବାକୁ ଯାଉଛି । ଏହାର ବିଶେଷତ୍ୱ ହେଉଛି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଅଷ୍ଟ୍ରେଲିଆ ସମକକ୍ଷ ପ୍ରଧାନମନ୍ତ୍ରୀ ଏନ୍ଥନି ଅଲବନିଜଙ୍କ ସହ କ୍ରିକେଟ ଦେଖିବେ । ସେ ପୁରା ଦେଢ ଘଣ୍ଟା ପର୍ଯ୍ୟନ୍ତ ଷ୍ଟାଡିୟମରେ ରହିବେ ଓ ଖେଳାଳିଙ୍କ ସହ ସାକ୍ଷାତ୍ କରିବେ । ଏଥିପାଇଁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
ମିଳିଥିବା ସୂଚନା ଅନୁଯାୟୀ, ମୋଦି ତାଙ୍କ କାର୍ଯ୍ୟକ୍ରମ ଅନୁଯାୟୀ. ସାଢେ ୮ଟାରେ ସେ ତାଙ୍କର ଅଷ୍ଟ୍ରେଲିଆ ସମକକ୍ଷଙ୍କ ସହ ଷ୍ଟାଡିୟମରେ ପହଞ୍ଚିବେ । ମୋଦି ଓ ଅଲବାନିଜଙ୍କ ଗସ୍ତ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଥିବା ବନ୍ଧୁତାର ୭୫ ବର୍ଷ ପୂରଣର ଅବସର ।
ମୋଦି ଓ ଅଷ୍ଟ୍ରେଲିଆ ପ୍ରଧାନମନ୍ତ୍ରୀଙ୍କ ଗସ୍ତ ସମୟରେ ଷ୍ଟାଡିୟମର ସୁରକ୍ଷା ଦାୟିତ୍ୱ ଏସପିଜି ନିଜ ହାତକୁ ନେଇଛି । ଷ୍ଟାଡିୟମରେ ଏହି ସମୟରେ ୧ ଲକ୍ଷ ଦର୍ଶକ ଉପସ୍ଥିତ ରହି ପାରନ୍ତି ବୋଲି ଅନୁମାନ କରାଯାଉଛି । ଏହା ବି ଭାରତ ପାଇଁ ଏକ ରେକର୍ଡ ହେବ । କାରଣ ଏହା ପୂର୍ବରୁ ସବୁଠାରୁ ଅଧିକ ଦର୍ଶକ ଇର୍ଡନ ଗାର୍ଡନ ଷ୍ଟାଡିୟମରେ ଖ୍ରୀଷ୍ଟମାସ ଟେଷ୍ଟ ମ୍ୟାଚ ସମୟରେ ପ୍ରାୟ ୯୦ ହଜାର ଦର୍ଶକ ଉପସ୍ଥିତ ଥିଲେ । ପରେ ଏହାର ଦର୍ଶକଙ୍କ କ୍ଷମତାହୁ କମାଇ ଦେଇ ୬୭୦୦୦ କରି ଦିଆଯାଇଥିଲା ।
ମୋଦି ଓ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆସୁଥିବା ଷ୍ଟାଡିୟମରେ ୨୦୦ ଓ ୩୦୫ ଟଙ୍କାର ୭୫ ହଜାର ଟିକେଟ ବିକ୍ରି ସରିଛି । ଷ୍ଟାଡିୟମ ବାହାରେ ଉଭୟ ପ୍ରଧାନମନ୍ତ୍ରୀଙ୍କ ଫଟୋ ଥିବା ହୋର୍ଡିଙ୍ଗ ଲାଗିଛି । ସାଇଟସ୍କ୍ରିନ ସାମ୍ନାରେ ଏକ ଛୋଟ ମଞ୍ଚ କରାଯାଇଛି ଯେଉଁଠାରେ ମ୍ୟାଚ ଆରମ୍ଭ ହେବା ପୂର୍ବରୁ ଏକ ଛୋଟ କାର୍ଯ୍ୟକ୍ରମ ହେବ, କାର୍ଯ୍ୟକ୍ରମ ଶେଷ ହେବା ପରେ ଏହାକୁ ହଟାଇ ଦିଆଯିବ ।
