ନୂଆଦିଲ୍ଲୀ,୫।୯: ଗୁରୁଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ଏକ ବଡ ଘୋଷଣା କରିଛନ୍ତି। ପ୍ରଧାନମନ୍ତ୍ରୀ ସ୍କୁଲ ଫର୍ ରାଇଜିଂ ଇଣ୍ଡିଆ (ପିଏମ୍- ଏସ୍ଏଚ୍ଆରଆଇ) ଯୋଜନା ଅଧୀନରେ ସମଗ୍ର ଭାରତର ୧୪,୫୦୦ ବିଦ୍ୟାଳୟର ବିକାଶ ଏବଂ ନବୀକରଣ କରାଯିବ। ଗୁରୁଦିବସ ଅବସରରେ ଏକ ନୂତନ ପଦକ୍ଷେପ ଘୋଷଣା କରି ବହୁତ ଖୁସି ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି। ଜାତୀୟ ଶିକ୍ଷା ନୀତି (ଏନ୍ଇପି) ଦ୍ୱାରା ଅନ୍ତର୍ଭୁକ୍ତ ହୋଇଥିବା ମଡେଲରେ ସ୍କୁଲ କରାଯିବ। ବିଦ୍ୟାଳୟରେ ଶିକ୍ଷା ପ୍ରଦାନର ଏକ ଆଧୁନିକ, ପରିବର୍ତ୍ତନଶୀଳ ଉପାୟ ରହିବ। ଅତ୍ୟାଧୁନିକ ଜ୍ଞାନକୌଶଳ, ସ୍ମାର୍ଟ ଶ୍ରେଣୀଗୃହ, କ୍ରୀଡା ସହ ଆଧୁନିକ ଇମ୍ଫ୍ରା ଉପରେ ମଧ୍ୟ ଧ୍ୟାନ ଦିଆଯିବ। ନିକଟରେ ଜାତୀୟ ଶିକ୍ଷା ନୀତି ଚଳିତ ବର୍ଷର ଶିକ୍ଷା କ୍ଷେତ୍ରରେ ପରିବର୍ତ୍ତନ ଆଣିଛି। ପିଏମ୍-ଏସ୍ଏଚ୍ଆରଆଇ ବିଦ୍ୟାଳୟ ଏନ୍ଇପି ଅନୁଯାଇ ଭାରତର ଲକ୍ଷ ଲକ୍ଷ ଛାତ୍ରୀଛାତ୍ର ଉପକୃତ ହେବେ ବୋଲି ମୋଦି କହିଛନ୍ତି। ଅନ୍ୟପଟେ ଶିକ୍ଷକ ଦିବସ ଅବସରରେ ଜାତୀୟ ଶିକ୍ଷକ ପୁରସ୍କାର ପାଇଥିବା ଶିକ୍ଷକଙ୍କ ସହ ପ୍ରଧାନମନ୍ତ୍ରୀ ମୋଦି କଥା ହୋଇଛନ୍ତି। ଏହି ସମୟରେ ପ୍ରଧାନମନ୍ତ୍ରୀ କହିଛନ୍ତି ଯେ, ଆମକୁ କେବଳ ଛାତ୍ରଙ୍କୁ ଶିକ୍ଷିତ କରିବାକୁ ପଡିବ ନାହିଁ ବରଂ ସେମାନଙ୍କ ଜୀବନ ମଧ୍ୟ ପରିବର୍ତ୍ତନ କରିବାକୁ ପଡିବ। ଭାରତ ଏହାର ଶିକ୍ଷାଗତ ପରିବେଶକୁ ମଜଭୁତ କରିବା ପାଇଁ ସଠିକ୍ ଦିଗରେ ଗତି କରୁଛି ବୋଲି ମୋଦି କହିଛନ୍ତି।
