ନୂଆଦିଲ୍ଲୀ,୨୨।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ନୂଆଦିଲ୍ଲୀର ବିଜ୍ଞାନ ଭବନରେ ଆୟୋଜିତ ଏକ କାର୍ଯ୍ୟକ୍ରମରେ ଭାରତରେ ଅନ୍ତର୍ଜାତୀୟ ଟେଲି ଯୋଗାଯୋଗ ୟୁନିଅନର ନୂତନ ଆଞ୍ଚଳିକ କାର୍ଯ୍ୟାଳୟ ଏବଂ ଅଭିନବ କେନ୍ଦ୍ରର ଉଦ୍ଘାଟନ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ଭାରତ ୬ଜି ଭିଜନ ଡକ୍ୟୁମେଣ୍ଟ ଉନ୍ମୋଚିତ ହୋଇଥିଲା ଏବଂ ୬G ଅନୁସନ୍ଧାନ ଏବଂ ବିକାଶ କେନ୍ଦ୍ର ମଧ୍ୟ ଉନ୍ମୋଚିତ କରିଥିଲେ। ଦେଶରେ ଏବେ ୬ଜି ଟେଷ୍ଟ ବିଡ୍ର ଆରମ୍ଭ ହେବ। ଏଥିରେ ୬ଜି ସ୍ପୀଡ ପରୀକ୍ଷା କରାଯିବ। ଏହି ଅବସରରେ ପ୍ରଧାନମନ୍ତ୍ରୀ ମୋଦି କହିଛନ୍ତି, ଇଣ୍ଟରନେଟ କ୍ରାନ୍ତିରେ ଭାରତ ବିଶ୍ୱର ସମସ୍ତ ବଡ଼ ଦେଶକୁ ପଛରେ ପକାଇ ଦେଇଛି। ଆଜିକାଲି ସହର ଅପେକ୍ଷା ଅଧିକ ଗାଁରେ ଇଣ୍ଟରନେଟ ବ୍ୟବହାର କରାଯାଉଛି। ୫ଜି ଲଞ୍ଚ ହେବାର ୬ ମାସ ମଧ୍ୟରେ, ଆମେ ୬ଜି ଟେକ୍ନୋଲୋଜି ବିଷୟରେ କହୁଛୁ। ଏହା ଭାରତର ଆତ୍ମବିଶ୍ୱାସକୁ ଦର୍ଶାଏ ବୋଲି ମୋଦି କହିଛନ୍ତି।
