କଣାସ,୮ା୧(ବିଭୁତି ଭୂଷଣ ତ୍ରିପାଠୀ):ପୁରୀ ଜିଲା କଣାସ ବ୍ଲକର ନୂଆଜଗନ୍ନାଥ ସଡ଼କ ବାଦୁରାବର ଠାରୁ ବଡ଼ାଲ, ଗୋପୀନାଥପୁର ଦେଇ କରମଳାକୁ ସଂଯୋଗ କରୁଥିବା ରାସ୍ତାର ଶିଳାନ୍ୟାସ ଜାନୁଆରୀ ୪ ତାରିଖରେ ପୁରୀ ଏମ୍ପି ସମ୍ବିତ ପାତ୍ର ଓ ସତ୍ୟବାଦୀ ବିଧାୟକ ଓମ୍ ପ୍ରକାଶ ମିଶ୍ର ବାଦୁରାବରଠାରେ ଶିଳାନ୍ୟାସ କରିଥିଲେ। ଏହି ଶିଳାନ୍ୟାସ ଫଳକକୁ କୌଣସି ବ୍ୟକ୍ତି ସେହି ଦିନ ରାତିରେ ଭାଙ୍ଗି ଦେଇଥିବା ଅଭିଯୋଗ ହେବାରୁ ଗଡ଼ିଶାଗୋଦା ଥାନା ପୋଲିସ ଗ୍ରାମର ସୁଶାନ୍ତ ପ୍ରଧାନଙ୍କୁ ସୋମବାର ରାତିରେ ଉଠାଇ ଆଣିଥିଲେ। ପଳରେ ବିଜେଡିର ୫୦ରୁ ଅଧିକ କର୍ମୀ ମଙ୍ଗଳବାର ଦିନସାରା ଗଡ଼ିଶାଗୋଦା ଥାନା ଆଗରେ ଧାରଣାରେ ବସି ରହିଥିଲେ।
ସମର୍ଥକ ସୁମତୀ ପ୍ରଧାନ ଗଡ଼ିଶାଗୋଦା ଥାନାରେ ପୂର୍ବରୁ ଏକ ଏତଲା ଦେଇଥିଲେ ଯେ, ସେହି ଗ୍ରାମର ୫ରୁ ୭ଜଣ ଭାଜପା ସମର୍ଥକ ବିଭିନ୍ନ ମାରଣାସ୍ତ୍ର ଧରି ଧମକ ଚମକ ଦେଉଛନ୍ତି। ପୋଲିସ ସେମାନଙ୍କ ପ୍ରତି ନୀରବଦ୍ରଷ୍ଟା ରହିଥିବା ବେଳେ ଅଭିଯୋଗ ନ ଥାଇ କାହିଁକି ତାଙ୍କ ସ୍ବାମୀଙ୍କୁ ପୋଲିସ ଧରି ନେଇଛି ବୋଲି ପ୍ରଶ୍ନ କରିଛନ୍ତି। ପୂର୍ବତନ ବିଧାୟକ ଉମାକାନ୍ତ ସାମନ୍ତରାୟ ଥାନାରେ ପହଞ୍ଚତ୍ ଆଇଆଇସି ଦୁର୍ଗାଚରଣ ମହାପାତ୍ରଙ୍କ ସହିତ ଆଲୋଚନା କରିଥିଲେ। ଏହାପରେ ଖୁବ୍ଶୀଘ୍ର ଆତଙ୍କ ସୃଷ୍ଟି କରୁଥିବା ଲୋକମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶ୍ରୁତି ମିଳିବା ପରେ ଧାରଣା ପ୍ରତ୍ୟାହୃତ ହୋଇଥିଲା।
ନ୍ୟପକ୍ଷରେ କଣାସ ଭାଜପା ସମର୍ଥତ୍ତ ସରପଞ୍ଚ ଭଗବାନ ସୁବୁଦ୍ଧି କହିଛନ୍ତି, ଫଳକଭଙ୍ଗା ଘଟଣା ସମ୍ପର୍କରେ ଗ୍ରାମ୍ୟ ଉନ୍ନୟନ ବିଭାଗ ମୁଖ୍ୟଯନ୍ତ୍ରୀ ଗଡ଼ିଶାଗୋଦା ଥାନାରେ ଏତଲା ଦେବା ପରେ ଥାନାଧିକାରୀ ଦୁର୍ଗାଚରଣ ମହାପାତ୍ର ବାଦୁରାବର ଗ୍ରାମର ସୁଶାନ୍ତ ପ୍ରଧାନଙ୍କୁ ଥାନାକୁ ଆଣିଥିଲେ। ଏହି ଘଟଣାରେ ପୋଲିସ୍ ଉପରେ କୌଣସି ରାଜନୈତିକ ଚାପ ପଡିନାହିଁ ବୋଲି ସୁବୁଦ୍ଧି କହିଛନ୍ତି।
