ଜୀବନର ଛୋଟବଡ଼ ଆବଶ୍ୟକତାକୁ ପୂରଣ କରିବାକୁ ଧନର ଆବଶ୍ୟକତା ପଡ଼ିଥାଏ। ଏଥିନେଇ ସମସ୍ତେ ଅଧିକରୁ ଅଧିକ ଧନ ରୋଜଗାର କରିବାକୁ ଚାହିଁଥାନ୍ତି। ଆର୍ଥିକ ସ୍ଥିତି ସ୍ବଚ୍ଛଳ ନ ଥିଲେ ଲୋକଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ। ଏପରିସ୍ଥିତିରେ ଚାଣକ୍ୟ ନୀତିରେ ଲିଖିତ ଏସବୁ କଥାକୁ ପାଳନ କରିବା ଦ୍ୱାରା ଧନ ସମ୍ବନ୍ଧୀୟ ଅସୁବିଧା ଦୂର ହୋଇଥାଏ।
ଧନ ଖର୍ଚ୍ଚ ପୂର୍ବରୁ କରନ୍ତୁ ବିଚାର: ଚାଣକ୍ୟ କୁହନ୍ତି ବୁଝି ବିଚାରି ଧନ ଖର୍ଚ୍ଚ କରିବା ଉଚିତ। ଯିଏ ଏଭଳି ନ କରନ୍ତି ତେବେ ତାଙ୍କୁ ଆର୍ଥିକ ଅସୁବିଧାର ସମ୍ମୁଖୀନ ହେବାକୁ ପଡ଼ିଥାଏ।
ସଠିକ ଉପାୟରେ କରନ୍ତୁ ଧନ ବ୍ୟୟ: ବିପଦ ସମୟରେ ଧନ ବ୍ୟକ୍ତିର ସବୁଠାରୁ ବଡ଼ ବନ୍ଧୁ ପାଲଟେ। ଏଭଳିସ୍ଥିତିରେ ସଠିକ ଉପାୟରେ ଧନ ବ୍ୟୟ କରନ୍ତୁ। ଚାଣକ୍ୟ କୁହନ୍ତି ଯେଉଁ ବ୍ୟକ୍ତି ଧନ ସଞ୍ଚୟ କରେ, ଧନବ୍ୟୟ ଠିକ୍ ଭାବେ କରିଥାଏ, ତାଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡେ ନାହିଁ।
ଭୁଲ କାମରେ ଲଗାନ୍ତୁ ନାହିଁ ଟଙ୍କା: ଚାଣକ୍ୟ କୁହନ୍ତି ଧନର ବ୍ୟବହାର ଭଲ କାମରେ କରିବା ଉଚିତ। ଯେଉଁ ଲୋକ ଟଙ୍କାକୁ ଭୁଲ କାମରେ ବ୍ୟବହାର କରିଥାନ୍ତି, ଜୁଆ ଖେଳନ୍ତି, ଅନ୍ୟ ଲୋକଙ୍କୁ ଅସୁବିଧା ପକାଇବାକୁ ଚେଷ୍ଟା କରିଥାନ୍ତି, ସେମାନେ ଅସୁବିଧାରେ ପଡ଼ିଥାନ୍ତି।
ଲୋକଙ୍କ ସହାୟତା କରିବାକୁ ପଛଘୁଞ୍ଚା କରନ୍ତୁ ନାହିଁ: ଚାଣକ୍ୟ କୁହନ୍ତି ଧନବାନ ହେବା ପରେ ମନୁଷ୍ୟଙ୍କୁ ସେବାରେ ମନୋନିବେଶ କରିବା ଉଚିତ। କାରଣ ଶାସ୍ତ୍ରରେ ଦାନପୂଣ୍ୟର ମହତ୍ତ୍ୱ ରହିଛି। ଏଥିପାଇଁ ଆବଶ୍ୟକତା ସହରେ ଲୋକଙ୍କ ସହାୟତା କରିବା ଉଚିତ। ଧନ ଥିଲେ ଅହଙ୍କାର କରିବା ଠିକ୍ ନୁହେଁ।
