ଲଣ୍ଡନ,୨୧।୧୧ : ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ କରୋନା ମହାମାରୀ ପରିସ୍ଥିତିର ମୁକାବିଲାକୁ ନେଇ ବିବାଦରେ ଛନ୍ଦି ହୋଇପଡିଛନ୍ତି। ବାସ୍ତବରେ, ଏଠାରେ ଏକ ପ୍ୟାନେଲ ଦୀର୍ଘ ଦିନ ଧରି କରୋନା ମହାମାରୀ ପରିସ୍ଥିତିର ମୁକାବିଲା ପାଇଁ ଅନୁସନ୍ଧାନ କରିଆସୁଛି। ପ୍ୟାନେଲ ଦାବି କରିଛି ସୁନାକ ଅର୍ଥମନ୍ତ୍ରୀ ଭାବରେ କୋଭିଡ -୧୯ ସମୟରେ ଦ୍ୱିତୀୟ ଲକଡାଉନ ଚାହୁଁ ନ ଥିଲେ ଏବଂ ଲୋକେ ମରନ୍ତୁ ବୋଲି କହିଥିଲେ।
ଏହି ପ୍ୟାନେଲ ଅନୁଯାୟୀ, କରୋନା ମହାମାରୀ ସମୟରେ ସରକାରଙ୍କ ମୁଖ୍ୟ ବୈଜ୍ଞାନିକ ପରାମର୍ଶଦାତା ଥିଲେ ପାଟ୍ରିକ ଭାଲାନ୍ସ। ସେ ଏକ ଡାଏରୀରେ ସୁନାକଙ୍କ କଥା ଉଲ୍ଲେଖ କରିଥିଲେ। ପାଟ୍ରିକ ମହାମାରୀ ସମୟରେ ଦ୍ୱିତୀୟ ଲକ ଡାଉନାକୁ ସୁନକ ଅଣଦେଖା କରିଥିବା ଅଭିଯୋଗ କରିଥିଲେ। ୨୫ ଅକ୍ଟୋବର ୨୦୨୦ ରେ ତାଙ୍କ ଡାଏରୀରେ ଲେଖାଯାଇଥିବା ଏକ ନୋଟ ଅନୁଯାୟୀ ସୁନାକ କହିଥିଲେ ସରକାର ଲୋକଙ୍କୁ ମରିବାକୁ ଦିଅନ୍ତୁ।
ଏହି ନୋଟ ତତ୍କାଳୀନ ପ୍ରଧାନମନ୍ତ୍ରୀ ବୋରିସ ଜନସନ ଏବଂ ସୁନକଙ୍କ ମଧ୍ୟରେ ହୋଇଥିବା ଏକ ବୈଠକ ବିଷୟରେ ଥିଲା। ମହାମାରୀ ସମୟରେ ଜନସନଙ୍କ ବରିଷ୍ଠ ପରାମର୍ଶଦାତା ଡୋମିନିକ କମିଙ୍ଗସ ଏହି ନୋଟରେ ଉଲ୍ଲେଖ କରିଛନ୍ତି।
ଯେତେବେଳେ ଡାଏରୀ ଲେଖିବା ବିଷୟରେ ପଚରାଗଲା, ପାଟ୍ରିକ ପ୍ରଶ୍ନ କରିବା ସମୟରେ ପ୍ୟାନେଲକୁ କହିଥିଲେସେ ସେହି ନିରାଶାଜନକ ଦିନକୁ ରେକର୍ଡ କରିବାକୁ ଚାହୁଁଛନ୍ତି। ତେବେ ଡାଏରୀ ନୋଟରେ ଦର୍ଶାଯାଇଛି ଜନସନ ପରଦିନ ଏକ ଭିନ୍ନ ଉପାୟ ଅବଲମ୍ବନ କରିଥିଲେ ଏବଂ କୋଭିଡ ମୃତ୍ୟୁସଂଖ୍ୟାକୁ ଭୟାନକ ବୋଲି ବର୍ଣ୍ଣନା କରିଥିଲେ।
କରୋନା ମହାମାରୀ ସମୟରେ ପରିସ୍ଥିତିର ମୁକାବିଲା ପାଇଁ ସରକାର କିପରି ପ୍ରତିକ୍ରିୟା ପ୍ରକାଶ କରିଥିଲେ ତାହାର ଏବେ ଯାଞ୍ଚ ଚାଲିଛି। ଏହି ମହାମାରୀ ଦେଶର ଅର୍ଥନୀତିର ଏକ ବଡ଼ ଅଂଶକୁ ଅଟକାଇ ଦେଇଥିଲା। ମହାମାରୀ ସମୟରେ ଦୁଇ ଲକ୍ଷ କୋଡ଼ିଏ ହଜାରରୁ ଅଧିକ ଲୋକଙ୍କମୃତ୍ୟୁ ଘଟିଥିଲା।
