ସିଡନୀ,୨୨।୧୧: ଅନ୍ତର୍ଜାତୀୟ ସ୍ତରରେ ଖେଳାଳିମାନେ ଖେଳର ସମସ୍ତ ନିୟମକୁ ଭଲ ଭାବରେ ବୁଝ ଖେଳୁଆଡ ମନୋବୃତ୍ତି ନେଇ ଖେଳିବେ ବୋଲି ଆଶା କରାଯାଇଥାଏ। କିନ୍ତୁ ବେଳେବେଳେ ସେମାନେ ପଡ଼ିଆରେ ଏପରି ଛୋଟ ପିଲାଙ୍କ ଭଳି କାର୍ଯ୍ୟ କରନ୍ତି ଯାହା ଦ୍ୱାାରା ଦଳକୁ କ୍ଷତି ସହିବାକୁ ପଡେ। ଅଷ୍ଟ୍ରେଲିଆର ପ୍ରତିଷ୍ଠିତ ମହିଳା ଲିଗ ମହିଳା ବିଗ ବୈଶରେ ମଧ୍ୟ ଏଭଳି ଘଟଣା ଦେଖିବାକୁ ମିଳିଛି। ଏଠାରେ ବ୍ରିସବେନ ହିଟ ପାଇଁ ଅଂଶଗ୍ରହଣ କରୁଥିବା ଆମେଲିଆ କେରଙ୍କ କାରଣରୁ ତାଙ୍କ ଦଳକୁ ପାଞ୍ଚ ରନ ପେନାଲ୍ଟି ଦେବାକୁ ପଡିଥିଲା। କେବଳ ଏତିକି ନୁହେଁ, ଏହି ମ୍ୟାଚରେ ହିଟକୁ ମଧ୍ୟ ପରାଜୟର ସାମ୍ନା କରିବାକୁ ପଡ଼ିଥିଲା।
ମଙ୍ଗଳବାର ବ୍ରିସବେନ ହିଟ ଏବଂ ସିଡନୀ ସିକ୍ସର୍ସ ମଧ୍ୟରେ ମହିଳା ବୈଶ ଲିଗ ୨୦୨୩ର ଏକ ମ୍ୟାଚ ଖେଳାଯାଇଥିଲା । ଏହି ମ୍ୟାଚରେ ବ୍ରିସବେନ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଦିଷ୍ଟ ଓଭରରେ ସାତ ୱିକେଟ ହରାଇ ୧୭୬ରନ ସଂଗ୍ରହ କରିଥିଲା। ଏହି ସମ୍ମାନଜନକ ସ୍କୋରକୁ ଦଳ ନେବାରେ ଆମେଲିଆଙ୍କର ଏକ ଗୁରୁତ୍ୱପୂର୍ଣ୍ଣ ଅବଦାନ ଥିଲା। ୪୪ ବଲର ସମ୍ମୁଖୀନ ହୋଇ ସେ ୬୪ ରନର ଏକ ଅର୍ଦ୍ଧଶତକ ହାସଲ କରିଥିଲେ । ଏଥିରେ ୧୦ ଟି ଚୌକା ଥିଲା। ୧୭୭ ରନର ଟାର୍ଗେଟ ନେଇ ପଡ଼ିଆକୁ ଆସିଥିବା ସିଡନୀ ଦଳ ୬ ୱିକେଟରେ ଜିତିଥିଲା।
ତେବେ ଆମେଲିଆ କେର ପିଲାଙ୍କ ଭଳି ଭୁଲ କରିଥିଲେ। ସେ ଭୁଲ କରି ନ ଥିଲେ ତାଙ୍କ ଦଳ ହୁଏତ ମ୍ୟାଚ ଜିତିଥାନ୍ତା।
ତେବେ ଆମେଲିଆ କେର ପିଲାଙ୍କ ଭଳି ଭୁଲ କରିଥିଲେ। ସେ ଭୁଲ କରି ନ ଥିଲେ ତାଙ୍କ ଦଳ ହୁଏତ ମ୍ୟାଚ ଜିତିଥାନ୍ତା। ଗାର୍ଡନର୍ ଏକ ବଲକୁ ଲଗଅନ ଆଡକୁ ଖେଳି ଥିଲେ। ଗାର୍ଡନର୍ ଦ୍ୱିତୀୟ ରନ ପାଇଁ ଟର୍ନ କରିବା ପୂର୍ବରୁ ଫିଲ୍ଡର ଶୀଘ୍ର ବଲକୁ ଆମେଲିଆଙ୍କ ପାଖକୁ ଫିଙ୍ଗି ଦେଇଥିଲେ। ଏହିଠାରେ ସେ ଏକ ଭୁଲ କରିଥିଲେ ।
ସେ ବଲ ଧରିବା ସମୟରେ ହାତରେ ଏକ ଛୋଟ ଟାୱେଲ ଧରିଥିଲେ। ନିୟମ ଅନୁଯାୟୀ, ଫିଲ୍ଡିଂ କରିବା ସମୟରେ, ହାତରେ କିଛି ରହିବା କଥା ନୁହେଁ। ଆମେଲିଆଙ୍କ ଏହି ଭୁଲ ଯୋଗୁଁ ଦଳକୁ ପାଞ୍ଚ ରନ ପେନାଲ୍ଟି ଲାଗିଥିଲା।
ଯଦି ଏହି ପାଞ୍ଚ ରନ ରହିଥାନ୍ତା, ତାଙ୍କ ଦଳ ହୁଏତ ମ୍ୟାଚ ଜିତିଥାନ୍ତେ । କାରଣ ଏହି ମ୍ୟାଚରେ ବିରୋଧୀ ଦଳ କେବଳ ଗୋଟିଏ ବଲ ବାକି ରହି ଜିତିବାକୁ ସକ୍ଷମ ହୋଇଥିଲେ।
