ଚେନ୍ନାଇ, ୯।୧୨: ସୁନା-ରୂପା-ଡ୍ରଗ୍ସ ଆଦି ଚୋରା ଚାଲାଣ ବିଷୟରେ ଶୁଣିଥାଇପାରନ୍ତି। ହେଲେ ଚେନ୍ନାଇ ବିମାନବନ୍ଦରରେ ଏକ ଅଜବ ମାମଲା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତିଙ୍କୁ ଦୁଇଟି ଜୀବନ କୋକିଶିଆଳି ସହ ଗିରଫ କରାଯାଇଛି। ସେ ବ୍ୟାଙ୍କକ୍କୁ ସେମାନଙ୍କୁ ନେଇ ଭାରତ ଆସୁଥିଲେ।
ଗୁଇନ୍ଦା ବିଭାଗର ସୂଚନା ଆଧାରରେ ଡିସେମ୍ବର ୬ରେ ବ୍ୟାଙ୍କକ୍ରୁ ଚେନ୍ନାଇ ଆସୁଥିବା ବିମାନର ଜଣେ ଯାତ୍ରୀଙ୍କୁ ଅଟକା ଯାଇଥିଲା। ତାଙ୍କ ଜିନିଷପତ୍ର ଯାଞ୍ଚ ସମୟରେ ଦୁଇଟି ଜୀବନ୍ତ କୋକଶିଆଳି ଥିବା ଦେଖାଯାଇଥିଲା। ପଶୁଙ୍କ ବିଷୟରେ ତାଙ୍କ ପାଖରେ କୌଣସି ବୈଧ ଦଲିଲ ନ ଥିବା ଯୋଗୁ ସେଗୁଡ଼ିକୁ ତୁରନ୍ତ ଜବତ କରାଯାଇଥିଲା।
ଓ୍ବାଇଲ୍ଡ ଲାଇଫ୍ ଆକ୍ଟ ୧୯୭୨ ତଥା ଅନ୍ୟାନ୍ୟ ଆନୁସଙ୍ଗିକ ବିଭାଗ ଅନୁଯାୟୀ ଅଭିଯୁକ୍ତଙ୍କ ବିରୋଧରେ ଏକ ମାମଲା ରୁଜୁ ହୋଇଛି। ଘଟଣାର ଅଧିକ ତଦନ୍ତ ଜାରି ରହିଛି।
ବ୍ୟାଙ୍କକ୍ରୁ ହେଉଛି ପଶୁ ଚୋରାଚାଲାଣ:
ବ୍ୟାଙ୍କକ୍ରୁ ଏହିପରି ଚୋରାଚାଲାଣ କରାଯିବା ଘଟଣା ପ୍ରଥମ ନୁହେଁ। ପୂର୍ବରୁ ରବିବାର ମଧ୍ୟ ଜଣେ ଯାତ୍ରୀ ସମାନ ଘଟଣାରେ ଧରାପଡ଼ିଥିଲେ। କଷ୍ଟମ ଅଧିକାରୀମାନେ ତାଙ୍କ ଜିନିଷପତ୍ର ଯାଞ୍ଚ ବେଳେ ସେଥିରେ ଦୁଇଟି ପିଗି ମାରମୋସେଟ୍ ଏବଂ ଦୁଇଟି ଡସ୍କି ଲିଫ୍ ମଙ୍କି(ମାଙ୍କଡ) ମୃତ ମିଳିଥିଲେ।
