ସ୍କେଟିଂ କରିବା ଆଦୌ ସହଜ କଥା ନୁହେଁ। ଖାଲ ଢିପ ରାସ୍ତା ସହ ଉଚ୍ଚା ନିଚ୍ଚା ର଼୍ୟାମ୍ପରେ ସ୍କେଟିଂ କରିବାବେଳେ ନିଜ ଭାରସାମ୍ୟ ରକ୍ଷା କରିବା ଜରୁରୀ ହୋଇଥାଏ। ଟିକେ ଏପଟ ସେପଟ ହେଲେ ଦୁର୍ଘଟଣା ହେବା ସୁନଶ୍ଚିତ। ଏହାକୁ କରିବା ପାଇଁ ମଣିଷ ଦଶ ଥର ଭାବୁଥିବାବେଳେ ଶୁଆଟିଏ ଚମତ୍କାରଭାବେ ସ୍କେଟିଂ କରୁଥିତ୍ବାର ଏକ ଭିଡିଓ ଏବେ ବେଶ୍ ଚର୍ଚ୍ଚାରେ ଅଛି। ନୀଳ ରଙ୍ଗର ଏଇ ଶୁଆଟିକୁ ତା’ର ମାଲିକାଣୀ ବେଶ୍ ଭଲଭାବେ ତାଲିମ୍ ଦେଇଛନ୍ତି। ଫଳରେ ସେ ଏକ ଛୋଟ ଖାଲ ଢିପ ଥିବା ର଼୍ୟାମ୍ପରେ ବେଶ୍ ଆରାମରେ ସ୍କେଟିଂ କରିପାରୁଛି। ଏଭଳି କଲାବେେ ଶୁଆଟି ନା ଡରୁଛି ନା ତା’ର ଭାରସାମ୍ୟ ବିଗୁଡିଛି। ବେଶ୍ ଆରାମରେ ସେ ପେସାଦାର ସ୍କେଟ ବୋର୍ଡର ପରି ସ୍କେଟିଂ କରୁଛି। ଶୁଆଟିର ମାଲିକାଣୀ କୁହନ୍ତି, ‘ପଶୁପକ୍ଷୀଙ୍କୁ ଉଚିତ ତାଲିମ ଦେଲେ ସେମାନେ ମଣିଷ ପରି କାମ କରିପାରିବେ। ତେବେ ତାଙ୍କୁ ଏସବୁ ଶିଖାଇବାବେଳେ ଉପହାରସ୍ବରୂପ ତାଙ୍କ ମନପସନ୍ଦର ଖାଦ୍ୟ ଦେଉଥିବେ। ଫଳରେ ସେମାନେ ଖୁସିରେ ଏସବୁ ଶିଖିବେ।
