ମୁମ୍ବାଇ: ବଲିଉଡ୍ ନାୟିକା ପରିଣିତି ଚୋପ୍ରାଙ୍କର ମୋଷ୍ଟ ଆୱେଟେଡ ଫିଲ୍ମ ‘ସାଇନା’ର ଟ୍ରେଲର ଅନ୍ତରାଷ୍ଟ୍ରୀୟ ମହିଳା ଦିବସରେ ରିଲିଜ୍ ହୋଇଛି । ଏହା ରିଲିଜ୍ ହେବା ପରେ ପରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାସହ ଦର୍ଶକଙ୍କ ରିଆକ୍ସନ ବି ଆସିବାରେ ଲାଗିଛି । ଏହି ଟ୍ରେଲରରେ ପରିଣିତିଙ୍କ ଦମଦାର୍ ଆକ୍ଟିଂର ପ୍ରଶଂସା କରାଯାଉଛି । ବ୍ୟାଡମିଣ୍ଟନ ଷ୍ଟାର ସାଇନା ନେହେୱାଲଙ୍କ ଏହି ବାୟୋପିକରେ ପରିଣିତିଙ୍କୁ ଲିଡ୍ ରୋଲରେ ଦେଖିବାକୁ ମିଳିଛି । ଏଥିରେ ସାଇନାଙ୍କ ପିଲାବେଳରୁ ଆରମ୍ଭ କରି କ୍ୟାରିୟର ପର୍ଯ୍ୟନ୍ତ ସମ୍ପୂର୍ଣ୍ଣ କାହାଣୀକୁ ସ୍ଥାନିତ କରାଯାଇଛି । ଅମୋଲ ଗୁପ୍ତାଙ୍କ ନିର୍ଦ୍ଦେଶିତ ଏହି ଫିଲ୍ମରେ ପରିଣିତି ସାଇନା କ୍ୟାରେକ୍ଟରରେ ପୁରା ଫିଟ୍ ଲାଗୁଛନ୍ତି । ଏହା ପୂର୍ବରୁ ଯେଉଁ ଟିଜର ରିଲିଜ୍ ହୋଇଥିଲା ତାକୁ ବି ଦର୍ଶକେ ଖୁବ୍ ପସନ୍ଦ କରିଥିଲେ ।
