ଚଣ୍ଡିଗଡ,୧୫।୨: ପଞ୍ଜାବ ମୁଖ୍ୟମନ୍ତ୍ରୀ ଭାଗବନ୍ତ ମାନଙ୍କୁ ଧମକ ଦିଆଯାଇଛି। ଏହି ଧମକ ଅନ୍ୟ କେହି ନୁହେଁ ବରଂ ଖଲିସ୍ତାନୀ ଆତଙ୍କବାଦୀ ଗୁରୁପତୱନ୍ତ ସିଂହ ପନ୍ନୁ ଦେଇଛନ୍ତି। ଆତଙ୍କବାଦୀ ପନ୍ନୁ ପୁଣି ଥରେ ଦେଶ ବିରୋଧରେ ବିଷ ଓଗାଳିଛନ୍ତି। ନିଷିଦ୍ଧ ସଂଗଠନ ଶିଖ ଫର ଜଷ୍ଟିସର ମୁଖ୍ୟ ଗୁରୁପତୱନ୍ତ ପନ୍ନୁ ପୁଣିଥରେ ପଞ୍ଜାବର ଜଳନ୍ଧରର ନାକୋଦର ସହରରେ ଖଲିସ୍ତାନକୁ ସମର୍ଥନ କରି ପୋଷ୍ଟର ଲଗାଇଛନ୍ତି। ନାକୋଦରର ଗୋଟିଏ ନୁହେଁ ବରଂ ଚାରୋଟି ସ୍ଥାନରେ ଏହି ପୋଷ୍ଟରଗୁଡ଼ିକ ଲଗାଯାଇଛି। ଷ୍ଟେଟ ପବ୍ଲିକ ସ୍କୁଲ, ଗୁରୁ ନାନକ ନ୍ୟାଶନାଲ କଲେଜ, ଡକ୍ଟର ଆମ୍ବେଦକର ଚୌକ, ନାକୋଦର ଏବଂ ଆଦର୍ଶ କଲୋନି ନାକୋଦରରେ ଖଲିସ୍ତାନି ପୋଷ୍ଟର ଦେଖିବାକୁ ମିଳିଛି। ସୂଚନା ମିଳିବା ମାତ୍ରେ ପୋଲିସ ମଧ୍ୟ ତଦନ୍ତ ଆରମ୍ଭ କରିଛି।
ଆତଙ୍କବାଦୀ ପନ୍ନୁ ଏହି ସମ୍ପୂର୍ଣ୍ଣ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ କରିଛନ୍ତି ଏବଂ ଏଥିରେ ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କୁ ମଧ୍ୟ ଧମକ ଦେଇଛନ୍ତି। ଭାଇରାଲ ଭିଡିଓରେ କୁହାଯାଉଛି ଯେ, ଜଳନ୍ଧରର ନାକୋଦରରେ ୪ଟି ସ୍ଥାନରେ ଖଲିସ୍ତାନି ପୋଷ୍ଟର ଲଗାଯାଇଛି। ବହୁତ ଦିନ ପରେ, ଏହି ଆତଙ୍କବାଦୀ ସଂଗଠନ ପୋଷ୍ଟର ବ୍ୟବହାର କରିଛି। ଭିଡିଓରେ ଦାବି କରାଯାଇଛି ଯେ, ତାଙ୍କ ସହଯୋଗୀମାନେ ଚାରୋଟି ସ୍ଥାନରେ ପୋଷ୍ଟର ଲଗାଇଛନ୍ତି। ଭିଡିଓରେ ପନ୍ନୁ କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନୂତନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିବା ସମୟରେ ପଞ୍ଜାବରେ ଏହି ଖାଲିସ୍ତାନି ପୋଷ୍ଟର ଲଗାଯାଇଛି।
ପନ୍ନୁ ଏହି ଭିଡିଓରେ ମୁଖ୍ୟମନ୍ତ୍ରୀ ଭଗବନ୍ତ ମାନଙ୍କୁ ମଧ୍ୟ ଧମକ ଦେଇଛନ୍ତି। ସେ କହିଛନ୍ତି, ତାଙ୍କର ରାଜନୈତିକ ଯାତ୍ରାର ଶେଷ ସାତୋଜ ଗ୍ରାମରୁ ଆରମ୍ଭ ହୋଇଛି। ସେମାନେ ପୂର୍ବତନ ମୁଖ୍ୟମନ୍ତ୍ରୀ ବେଅନ୍ତ ସିଂହଙ୍କୁ ମନେ ରଖିବା ଉଚିତ। ଯେଉଁମାନେ ଖଲିସ୍ତାନର ପୋଷ୍ଟର ଲଗାଇବେ, ସେମାନେ ମଧ୍ୟ ଅସ୍ତ୍ର ଉଠାଇ ପାରିବେ।
