ନୂଆଦିଲ୍ଲୀ,୧୫।୮: ସ୍ବାଧୀନତା ଦିବସ ଅବସରରେ ଭାରତୀୟ ହ୍ୟାକରମାନେ ପୁଣିଥରେ ପାକିସ୍ତାନୀ ୱେବ୍ସାଇଟକୁ ଟାର୍ଗେଟ କରିଛନ୍ତି। ସ୍ବାଧୀନତା ଦିବସର ଗୋଟିଏ ଦିନ ପୂର୍ବରୁ ଭାରତୀୟ ହ୍ୟାକର୍ସମାନେ ପାକିସ୍ତାନର ଫାତିମା ଜିନ୍ନା ମହିଳା ବିଶ୍ୱବିଦ୍ୟାଳୟର ୱେବସାଇଟ ହ୍ୟାକ କରିଥିଲେ। ‘ଇଣ୍ଡିଆନ ସାଇବର ଟ୍ରୁପ’ ନାମ ଥିବା ହ୍ୟାକର୍ମାନେ ୱେବସାଇଟ୍ରେ ଭାରତୀୟ ସ୍ବାଧୀନତା ଦିବସର ବାର୍ତ୍ତା ଲେଖି ପାକିସ୍ତାନକୁ ଅଭିନନ୍ଦନ ଜଣାଇଥିଲେ। ତେବେ କିଛି ସମୟ ପରେ ୱେବସାଇଟ ପୁନର୍ବାର ପୂର୍ବାବସ୍ଥାକୁ ଫେରିଥିଲା।
ଓ୍ବେବ୍ସାଇଟ୍ ହ୍ୟାକ୍ ହେବାର ଏକ ଭିଡିଓ ପାକିସ୍ତାନୀ ସାମ୍ବାଦିକ ନାୟଲା ଇନାୟତ ନିଜ ଟୁଇଟର ପୃଷ୍ଠାରେ ଶେୟାର କରିଛନ୍ତି। ଏଥିରେ ବିଶ୍ୱବିଦ୍ୟାଳୟ ୱେବସାଇଟର ସ୍କ୍ରିନସଟ୍ ରହିଛି। ସେଥିରେ ଭାରତୀୟ ହ୍ୟାକର୍ସମାନେ ଲେଖିଛନ୍ତି, ‘ହ୍ୟାକ୍ଡ ବାଇ ଇଣ୍ଡିଆନ୍ ସାଇବର ଟ୍ରୁପ୍ସ’। ଏଥିସହ ୱେବସାଇଟରେ ଏକ ତ୍ରିରଙ୍ଗା ଲଗାଇ ତଳେ ଭଗବାନ ରାମଙ୍କ ଫଟୋ ରଖିଥିଲେ। ହ୍ୟାକରମାନେ ଫଟୋ ତଳେ ଲେଖିଛନ୍ତି, ‘ରାମଲାଲା ଆମେ ଆସିବୁ, କରାଚି ଏବଂ ଲାହୋରରେ ମଧ୍ୟ ମନ୍ଦିର ନିର୍ମାଣ କରିବୁ।’ ପରବର୍ତ୍ତୀ ବାର୍ତ୍ତାରେ ଏହା କୁହାଯାଇଛି, ’ହଜାର ହଜାର ଲୋକଙ୍କ ବଳିଦାନ ହେତୁ ଆମ ଦେଶ ଆଜି ଏହି ଦିନ ପାଳନ କରୁଛି। ସେମାନଙ୍କର ବଳିଦାନ ଭୁଲି ପାରିବୁ ନାହିଁ। ସ୍ବାଧୀନତା ଦିବସର ଶୁଭେଚ୍ଛା। ’
The website of Fatima Jinnah Women University hacked by “Indian cyber troops” Messages on Indian independence day left on the site: pic.twitter.com/KVyCzxDGWw
— Naila Inayat नायला इनायत (@nailainayat) August 15, 2020
ଭାରତୀୟ ହ୍ୟାକରମାନେ ପାକିସ୍ତାନ ୱେବସାଇଟକୁ ହ୍ୟାକ କରବାର ଏହା ପ୍ରଥମ ଘଟଣା ନୁହେଁ। ୨୦୧୭, ୨୦୧୮ ରେ, ସ୍ବାଧୀନତା ଦିବସ ଅବସରରେ, ଭାରତୀୟ ହ୍ୟାକରମାନେ ପାକିସ୍ତାନ ୱେବସାଇଟକୁ ଟାର୍ଗେଟ କରୁଥିବାବେଳେ ସେମାନଙ୍କୁ ହ୍ୟାକ କରିଥିଲେ। ୨୦୧୭ ରେ, ପାକିସ୍ତାନ ସରକାରୀ ୱେବସାଇଟ pakistan.gov.pkକୁ ହ୍ୟାକ୍ କରି ସେଥିରେ ଏକ ତ୍ରିରଙ୍ଗା ଲଗାଇଲେ। କେବଳ ଏତିକି ନୁହେଁ, ଭାରତୀୟ ହ୍ୟାକରମାନେ କିଛି ଦିନ ପୂର୍ବରୁ ଏକ ପ୍ରସିଦ୍ଧ ନ୍ୟୁଜ ୱେବସାଇଟ ହ୍ୟାକ କରିଥିଲେ ଏବଂ ଏଥିରେ ତ୍ରିରଙ୍ଗା ସହିତ ସ୍ବାଧୀନତା ଦିବସର ଶୁଭେଚ୍ଛା ଲେଖି ଏକ ଭିଡିଓ ଚଲାଇଥିଲେ।
