ଇସଲାମାବାଦ,୧୩ା୮: ଏକ ଅପ୍ରତ୍ୟାଶିତ ପଦକ୍ଷେପରେ ପାକିସ୍ତାନ ଇଲେକ୍ଟ୍ରୋନିକ ମିଡିଆ ନିୟାମକ ପ୍ରାଧିକରଣ (PEMRA) ଏଆରଓ୍ବାଇ ନ୍ୟୁଜ୍ର ଅପରେଟିଂ ଲାଇସେନ୍ସକୁ ରଦ୍ଦ କରିଦେଇଛି। ଏହି ପଦକ୍ଷେପ ସହିତ ସରକାର ଚ୍ୟାନେଲକୁ ସ୍ଥାୟୀ ବନ୍ଦ ପାଇଁ ରାସ୍ତା ବି ସଫା କରିଛନ୍ତି। PEMRAର ୧୭୨ ତମ ବୈଠକରେ ଅପରେଟିଂ ଲାଇସେନ୍ସ ବାତିଲ କରିବାକୁ ନିଷ୍ପତ୍ତି ନିଆଯାଇଛି। ସମ୍ପ୍ରତି ଅନୁଷ୍ଠାନର ମୁଖ୍ୟ ଭାବରେ ନିଯୁକ୍ତ ସଲିମ ବାଗ୍ ଏହି ସଭାରେ ଅଧ୍ୟକ୍ଷତା କରିଥିଲେ। ଏହାପୂର୍ବରୁ ଗୃହ ମନ୍ତ୍ରଣାଳୟ ଏକ ବିଜ୍ଞପ୍ତିରେ କହିଛି, ଏଜେନ୍ସିଗୁଡିକ ପକ୍ଷରୁ ମିଳିଥିବା ରିପୋର୍ଟକୁ ଆଧାର କରି ମେସର୍ସ ଏଆରଓ୍ବାଇ ସଞ୍ଚାର ପ୍ରାଇଭେଟ୍ ଲିମିଟେଡ୍ (ARY News) ସପକ୍ଷରେ ଜାରି କରାଯାଇଥିବା ଏନ୍ଓସି ତୁରନ୍ତ ବାତିଲ କରାଯାଉଛି। ପରବର୍ତ୍ତୀ ଆଦେଶ ପର୍ଯ୍ୟନ୍ତ ଏହା ବଳବତ୍ତର ରହିବ।
