ଇସ୍ଲାମାବାଦ,୨୨।୫: ଇସ୍ଲାମାବାଦ ସ୍ଥିତ ଭାରତୀୟ ହାଇ କମିଶନର ଜଣେ ଅଧିକାରୀଙ୍କୁ ଗୁରୁବାର ପାକିସ୍ତାନ ବହିଷ୍କାର କରିଛି। ତାଙ୍କୁ ପାକିସ୍ତାନ ସରକାର ଅବାଞ୍ଛିତ ଘୋଷଣା କରିବା ସହ ୨୪ ଘଣ୍ଟା ମଧ୍ୟରେ ଦେଶ ଛାଡ଼ିବାକୁ ନିର୍ଦ୍ଦେଶ ଦେଇଛନ୍ତି। ଭାରତୀୟ ହାଇ କମିଶନ’ର ମୁଖ୍ୟଙ୍କୁ ପାକିସ୍ତାନ ବହିର୍ବ୍ୟାପାର ମନ୍ତ୍ରଣାଳୟକୁ ଡକାଯାଇ ଏ ସମ୍ପର୍କରେ ଅବଗତ କରାଯାଇଛି। ଭାରତୀୟ ହାଇ କମିଶନରେ କାର୍ଯ୍ୟରତ ଅଧିକାରୀମାନେ ଯେପରି ସେମାନଙ୍କୁ ମିଳୁଥିବା ସୁବିଧାର ଅପବ୍ୟବହାର ନ କରନ୍ତି ସେଥିପ୍ରତି ପାକିସ୍ତାନ ପକ୍ଷରୁ ଜୋର୍ ଦିଆଯାଇଛି।
ବୁଧବାର ନୂଆଦିଲ୍ଲୀସ୍ଥିତ ପାକିସ୍ତାନୀ ହାଇ କମିଶନରେ କାର୍ଯ୍ୟରତ ଜଣେ ଅଧିକାରୀଙ୍କୁ ଭାରତ ସରକାର ବହିଷ୍କାର କରିବା ପରେ ପାକିସ୍ତାନ ପକ୍ଷରୁ ମଧ୍ୟ ସମାନ ପନ୍ଥା ଅବଲମ୍ବନ କରାଯାଇଛି।
