ଓ୍ବାଶିଂଟନ୍,୧୯।୬: ପାକିସ୍ତାନ ମେ’ ମାସରେ ଅପରେସନ ସିନ୍ଦୁର ସମୟରେ ଭାରତୀୟ ମିସାଇଲ ଦ୍ୱାରା କ୍ଷତିଗ୍ରସ୍ଥ ହୋଇଥିବା ରହିମ ୟାର ଖାନ ବିମାନ ଘାଟି ପାଇଁ ପୁଣି ଥରେ ଏକ ନୋଟିସ ଟୁ ଏୟାରମେନ (NOTAM) ଜାରି କରିଛି।
OSINT ବିଶେଷଜ୍ଞ ଡାମିଅନ ସାୟମନ ଏକ୍ସରେ ଏହି ଅପଡେଟ ସେୟାର କରି ଲେଖିଛନ୍ତି, “ପାକିସ୍ତାନ ରହିମ ୟାର ଖାନ ପାଇଁ ପୁଣି ଥରେ NOTAM ଜାରି କରିଛି, ମେ’ ୨୦୨୫ରେ ଭାରତ ଦ୍ୱାରା ଆକ୍ରମଣ ହୋଇଥିବା ରନୱେ ଏବେ ଅନୁମାନିକ ୦୪ ଜୁଲାଇ ୨୦୨୫ ପର୍ୟ୍ୟନ୍ତ ବନ୍ଦ ରହିବ।”
ରହିମ ୟାର ଖାନ ଉପରେ ଆକ୍ରମଣ ଭାରତର ଅପରେସନ ସିନ୍ଦୁରର ଦ୍ୱିତୀୟ ପର୍ଯ୍ୟାୟର ଅଂଶ ଥିଲା, ଯାହା ମେ’ ୭ ରେ ଆରମ୍ଭ ହୋଇଥିଲା। ପ୍ରଥମ ପର୍ଯ୍ୟାୟରେ ଭାରତ ଆତଙ୍କବାଦୀ ଶିବିରଗୁଡିକୁ ଆକ୍ରମଣ କରିଥିଲା।
ମେ’ ମାସରେ ଆକ୍ରମଣ ପରେ କିଛି ଦିନ ପରେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜସ୍ଥାନର ବିକାନେରରେ ଏକ ରାଲିରେ ଭାଷଣ ଦେଇ ପାକିସ୍ତାନ ଉପରେ ଆକ୍ରମଣ କରି ମନେ ପକାଇ ଦେଇଥିଲେ ଯେ ଭାରତୀୟ ମିସାଇଲ ଦ୍ୱାରା ଆକ୍ରମଣ ପରେ ରହିମ ୟାର ଖାନ ବିମାନ ଘାଟି ଏବେ ମଧ୍ୟ ଚାଲୁ ହୋଇନାହିଁ।
“ପାକିସ୍ତାନର ରହିମ ୟାର ଖାନ ବିମାନ ଘାଟି ଏବେ ମଧ୍ୟ ICU ରେ ଅଛି, କେବେ ଖୋଲିବ ତାହା ନିଶ୍ଚିତ ନୁହେଁ,” ପ୍ରଧାନମନ୍ତ୍ରୀ ମୋଦି କହିଥିଲେ।
ରହିମ ୟାର ଖାନ, ପାକିସ୍ତାନର ଏକ ଗୁରୁତ୍ୱପୂର୍ଣ୍ଣ ସାମରିକ ବିମାନ ଘାଟି। ଯାହା ପଞ୍ଜାବ ପ୍ରଦେଶର ସମାନ ନାମରେ ଥିବା ଆନ୍ତର୍ଜାତୀୟ ବିମାନ ବନ୍ଦର ଭିତରେ ଅବସ୍ତିତ। ଏହି ବିମାନ ଘାଟି ବ୍ୟାପକ କ୍ଷତିଗ୍ରସ୍ଖସ୍ତ ହୋଇଥିଲା, ଯାହା ଇସଲାମାବାଦର ସାମରିକ କ୍ଷମତା ଉପରେ ଏକ ବଡ଼ ଆଘାତ ଥିଲା।
ପାକିସ୍ତାନର ସିଭିଲ ଏଭିଏସନ ଅଥରିଟି ଘୋଷଣା କରିଛନ୍ତି ଯେ ଏକମାତ୍ର ରନୱେ ଏକ ସପ୍ତାହ ପାଇଁ ଚାଲୁ ରହିବ ନାହିଁ। ମେ’ ୧୦ ତାରିଖ ସନ୍ଧ୍ୟାରେ ଜାରି ହୋଇଥିବା ଔପଚାରିକ ନୋଟିସ ଟୁ ଏୟାରମେନ (NOTAM) ଅନୁସାରେ, ମେ’ ୧୦ ତାରୀଖ ପାକିସ୍ତାନ ସମୟ ଅପରାହ୍ନ ୪ଟା (ଭାରତୀୟ ସମୟ ଅପରାହ୍ନ ୪ଟା ୩୦ ମିନିଟ) ରୁ ଅନ୍ତତଃ ମେ’ ୧୧୮ ତାରୀଖ ସକାଳ ୪ଟା ୫୯ ମିନିଟ (ଭାରତୀୟ ସମୟ ସକାଳ ୫ଟା ୨୯ ମିନିଟ) ପର୍ୟନ୍ତ ବନ୍ଦଦ ରହବ। ତେବେ, ଏବେ ଏହି ବନ୍ଦ ଅବଧୁ ଜୁଲାଇ ୪ ପର୍ଯ୍ୟନ୍ତ ବୃଦ୍ଧି କରାଯାଇଛି।
ଭାରତ ସରକାର ନିଶ୍ଚିତ କରିଛନ୍ତି ଯେ ପାକିସ୍ତାନର ସାମରିକ ଭିତ୍ତିଭୂମିକୁ ନିଷ୍କ୍ରିୟ କରିବା ପାଇଁ ଏହା ଏକ ବଡ ପଦକ୍ଷେପ ଥିଲା, ଯାହା ସାମାନ୍ୟ ସମ୍ପତ୍ତିରେ କ୍ଷତି କମାଇବାକୁ ଲକ୍ଷ୍ୟ ରଖିଥିଲା।
