ନୂଆଦିଲ୍ଲୀ,୨୮।୪: ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱାଇସି ପୁଣି ଥରେ ପାକିସ୍ତାନ ଉପରେ ବର୍ଷିଛନ୍ତି। ଓୱାଇସି ପାକିସ୍ତାନକୁ କହିଥିଲେ ଯେ ତୁମେ ଭାରତଠାରୁ ଅଧା ଶତାବ୍ଦୀ ପଛରେ ଅଛ। Pahalgam Attack ପରେ ସେ ପୁଣି ଥରେ ପାକିସ୍ତାନକୁ ସମାଲୋଚନା କରିଛନ୍ତି। ୱାକଫ ବିଲ ସମ୍ପର୍କରେ ରବିବାର ମହାରାଷ୍ଟ୍ରର ପରଭାନୀରେ ସେ ଜନତାଙ୍କୁ ସମ୍ବୋଧିତ କରିଥିଲେ। ଏହି ସାଧାରଣ ସଭାରେ ସେ ପାକିସ୍ତାନ ଉପରେ ତାଙ୍କର ପ୍ରତିକ୍ରିୟା ପ୍ରକାଶ କରିଥିଲେ।
ଅସଦୁଦ୍ଦିନ ଓୱାଇସି କହିଛନ୍ତି, ‘ପାକିସ୍ତାନରେ ବସି ଯେଉଁମାନେ ବାଜେ କଥା କହୁଛନ୍ତି, ସେମାନଙ୍କୁ ମୁଁ କହିବାକୁ ଚାହୁଁଛି ଯେ ତୁମର ସମୟ ଭାରତଠାରୁ ଅଧ ଘଣ୍ଟା ପଛରେ ଅଛି, କିନ୍ତୁ ଅଧ ଘଣ୍ଟା ନୁହେଁ, ବରଂ ଭାରତଠାରୁ ଅଧା ଶତାବ୍ଦୀ ପଛରେ ଅଛି। ତୁମର ଦେଶର ବଜେଟ ଆମ ସାମରିକ ବଜେଟ ସହିତ ସମାନ ନୁହେଁ।’
Pahalgam Attack ପରେ ଭାରତ ପାକିସ୍ତାନୀ ନାଗରିକଙ୍କ ପାଇଁ ଭିସା ନିଷେଧ କରିଛି। ଅଟାରୀ-ୱାଘା ସୀମାକୁ ମଧ୍ୟ ବନ୍ଦ କରିଦିଆଯାଇଛି। ପହଲଗାମ ଆତଙ୍କବାଦୀ ଆକ୍ରମଣରେ ୨୬ ଜଣ ପ୍ରାଣ ହରାଇଥିଲେ। ଏହି ସମସ୍ତ ଲୋକ ପହଲଗାମ ବୁଲିବାକୁ ଆସିଥିଲେ। ଏହି ଆକ୍ରମଣ ପରେ ସମଗ୍ର ଦେଶରେ କ୍ରୋଧର ବାତାବରଣ ରହିଛି। ଭାରତର କାର୍ଯ୍ୟାନୁଷ୍ଠାନ ପରେ, ପାକିସ୍ତାନ ତା’ର ଏୟାରସ୍ପେସ ବନ୍ଦ କରିଦେଇଛି। ଏବେ ଭାରତୀୟ ବିମାନଗୁଡ଼ିକ ପାକିସ୍ତାନର ଆକାଶ ସୀମାରେ ପ୍ରବେଶ କରିପାରିବେ ନାହିଁ।
