ଭୁବନେଶ୍ୱର, ୪ା୧୨ (ବିଜୟ ରଣା): କିସ୍, ଗ୍ଲେନମାର୍କ ଆକ୍ୱାଟିକ୍ ଓ କିଟ୍ର ମିଳିତ ଆନୁକୂଲ୍ୟରେ ରବିବାର କିଟ୍ ପରିସରରେ ରହିଥିବା ୬ଟି ସୁଇମିଂ ପୁଲ୍ରେ ଆଇସୁଇମ ଜୁନିୟର ସୁଇମ୍ ମିଟ୍ ଅନୁଷ୍ଠିତ ହୋଇଯାଇଛି। ଇଭେଣ୍ଟରେ ୩୦୦ରୁ ଊର୍ଦ୍ଧ୍ୱ ଉତ୍ସାହୀ ଯୁବ ସନ୍ତରଣକାରୀ ଭାଗ ନେଇ ଇଭେଣ୍ଟକୁ ସଫଳ କରିଥିଲେ। ଯୁବ ସନ୍ତରଣକାରୀମାନେ ୩୦ ପୃଥକ୍ ପୃଥକ୍ ଇଭେଣ୍ଟରେ ଭାଗ ନେଇଥିଲେ। ସମଗ୍ର ରାଜ୍ୟର ୬ରୁ ଅଧିକ କ୍ଲବ ମଧ୍ୟ ଏଥିରେ ଅଂଶଗ୍ରହଣ କରିଥିଲେ। ଏହି ଅବସରରେ କିଟ୍ ଓ କିସ୍ର ପ୍ରତିଷ୍ଠାତା ତଥା କନ୍ଧମାଳ ଏମ୍ପି ଅଚ୍ୟୁତ ସାମନ୍ତ ଇଭେଣ୍ଟର ସଫଳତାକୁ ନେଇ ଆନନ୍ଦ ପ୍ରକାଶ କରିବା ସହ ଯୁବ ସନ୍ତରଣକାରୀଙ୍କ ଶକ୍ତି ଓ ଉତ୍ସାହ ତାଙ୍କୁ ଅଭିଭୂତ କରିଛି ବୋଲି କହିଥିଲେ। ଏଭଳି ପ୍ରତିଯୋଗିତା ସୁସ୍ଥ ଜୀବନଶୈଳୀ ବ୍ୟତୀତ ଶୃଙ୍ଖଳା ଓ ପ୍ରତିଯୋଗିତାର ଭାବନା ସୃଷ୍ଟି କରିବ। ଗ୍ଲେନମାର୍କ ଆକ୍ୱାଟିକ୍ ଫାଉଣ୍ଡେଶନର ପ୍ରତିଷ୍ଠାତା ନେହା ସଲଦାନହା କହିଛନ୍ତି, ଆଇ ସୁଇମ୍ କେବଳ ଏକ ସୁଇମ୍ ମିଟ୍ ନୁହେଁ ବରଂ ସନ୍ତରଣ କ୍ରୀଡ଼ାର ପ୍ରସାର ଏବଂ ଯୁବ ପ୍ରତିଭାଙ୍କୁ ଉତ୍ସାହିତ କରିବାରେ ସହାୟକ ହୋଇଛି।
