ନୂଆଦିଲ୍ଲୀ,୮।୮ : ଦେଶରେ ଲାପଟପ ଏବଂ ଟାବଲେଟ ବିକ୍ରିରେ ବୃଦ୍ଧି ଘଟିଛି। ଗତ ସପ୍ତାହରେ ଅପ୍ରତ୍ୟାଶିତ ଭାବରେ ଲାପଟପ ଏବଂ ଟାବଲେଟ ଆମଦାନୀ ଉପରେ ଭାରତ ସରକାର ନିଷେଧାଦେଶ ଘୋଷଣା କରିବା ପରେ ଏହା ଘଟିଛି। ସରକାର ଆହୁରି ସ୍ପଷ୍ଟ କରିଥିଲେ କମ୍ପାନୀଗୁଡ଼ିକୁ ଅକ୍ଟୋବର ୩୧ ପୂର୍ବରୁ ଆମଦାନୀ ଲାଇସେନ୍ସ ହାସଲ କରିବାକୁ ପଡିବ। ଏହା ପରେ ରିଟେଲର ଏବଂ ବ୍ରାଣ୍ଡର ଏକ ରିପୋର୍ଟରେ କୁହାଯାଇଛି ପୂର୍ବ ସପ୍ତାହ ତୁଳନାରେ ଲାପଟପ ଏବଂ ଟାବଲେଟ ବିକ୍ରି କ୍ରମାଗତ ଭାବରେ୨୫ ପ୍ରତିଶତରୁ ଅଧିକ ବୃଦ୍ଧି ପାଇଛି।
ରିପୋର୍ଟ ଅନୁଯାୟୀ, ଇ-କମର୍ସ ୱେବସାଇଟ ସ୍ବାଧୀନତା ଦିବସ ବିକ୍ରୟ ଆରମ୍ଭ କରିଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ କିଛି ଦିନ ମଧ୍ୟରେ ଟାବଲେଟର ଚାହିଦା ଯଥେଷ୍ଟ ବୃଦ୍ଧି ପାଇଛି।
ଏକ ରିପୋର୍ଟ ଅନୁଯାୟୀ, ଘରୋଇ ଭାବରେ ବିକ୍ରି ହେଉଥିବା ପ୍ରାୟ ୩-୩୫ ପ୍ରତିଶତ ଲାପଟପ ଭାରତରେ ଏକତ୍ରିତ ହୋଇଛି। ୨୦୨୩ରେ ଭାରତ ୮.୮ ବିଲିୟନ ଡ଼ଲାର ମୂଲ୍ୟର ଆଇଟି ହାର୍ଡୱେର ଉତ୍ପାଦ ଆମଦାନୀ କରିଛି, ଯାହା ଚାଇନା ଏବଂ ସିଙ୍ଗାପୁରରୁ ହୋଇଛି। ଚାଇନାରୁ ହୋଇଥିବା ଆମଦାନୀର ପରିମାଣ ୫.୧ ବିଲିୟନ ହଲାର ଥିବାବେଳେ ସିଙ୍ଗାପୁରରୁ ୧.୩ ବିଲିୟନ ଡ଼ଲାର ଆମଦାନୀ କରାଯାଇଛି।
