ରାଜକନିକା, ୧୦ା୯(ସଞ୍ଜୟ କୁମାର ଦାଶ)କେନ୍ଦ୍ରାପଡ଼ା ଜିଲା ରାଜକନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ରୋଗୀଙ୍କୁ ଉପଯୁକ୍ତ ସେବା ମଳୁ ନ ଥିବା ଅଭିଯୋଗ ହେଉଛି। ସରକାରୀ ନିୟମକୁ ଅନୁସାରେ ସ୍ବାସ୍ଥ୍ୟକେନ୍ଦ୍ରର କର୍ମଚାରୀଙ୍କ ଲାଗି କ୍ୱାର୍ଟର୍ସ ନିର୍ମାଣ ହୋଇଛି। ହେଲେ ଏହି କ୍ୱାର୍ଟର୍ସ ସେମାନଙ୍କ ଦିଆ ନ ଯାଇ ବାହାର ଲୋକଙ୍କୁ ଦିଆଯାଇଛି। ଫଳରେ କର୍ମଚାରୀ ରହିବାକୁ ଅସୁବିଧାର ସମ୍ମୁଖିନ ହେଉଛନ୍ତି। ଏ ନେଇ ଅଭିଯୋଗ କଲେ ସ୍ବାସ୍ଥ୍ୟକେନ୍ଦ୍ରର ମୁଖ୍ୟ ଚିକିତ୍ସା ଅଧିକାରୀଙ୍କଠାରୁ ଆରମ୍ଭ କରି ଅନ୍ୟମାନେ କେହି ଶୁଣୁନାହାନ୍ତି ବୋଲି କେତେଜଣ କର୍ମଚାରୀ ନାମ ଗୋପନ ରଖିବା ସର୍ତ୍ତରେ କହିଛନ୍ତି। ଯାହାକୁ ନେଇ ସାଧାରଣରେ ମଧ୍ୟ ଜନ ଅସନ୍ତୋଷ ଦେଖିବାକୁ ମିଳିଛି।
ସୂଚନାଯୋଗ୍ୟ, ରାଜକନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କାର୍ଯ୍ୟରତ କନିଷ୍ଠ କିରଣି ରବିନାରାୟଣ ମହାପାତ୍ର ୧୭ ବର୍ଷ ହେଲା ଏଠାରେ ରହିଛନ୍ତି। ସେ ସ୍ବାସ୍ଥ୍ୟକେନ୍ଦ୍ରର ଏକ କ୍ୱାର୍ଟର୍ସଟିରେ ତାଙ୍କର ଜଣେ ସମ୍ପର୍କିୟଙ୍କୁ ରଖାଇଛନ୍ତି। ଏହାକୁ କେହି କର୍ମଚାରୀ ବିରୋଧ କରିବାକୁ ସାହାସ ଜୁଟାଇ ପାରୁନାହାନ୍ତି। ଅନ୍ୟପକ୍ଷେ ରୋଗୀଙ୍କ ସେବା ଲାଗି ଆସୁଥିବା ବ୍ୟାଣ୍ଡଜ, ଗଜ, ତୁଳା, ମେଡିସିନ ଇତ୍ୟାଦି ମଧ୍ୟ ଠିକ୍ ଭାବେ ଦିଆଯାଉନାହିଁ। ଫଳରେ ରୋଗୀ ସେବା କ୍ଷେତ୍ରରେ କର୍ମଚାରୀମାନେ ଅସୁବିଧା ଭୋଗ କରୁଛନ୍ତି। ରୋଗୀମାନେ ନିଜର ଚିକିତ୍ସା ପାଇଁ ବାହାରର ଔଷଧ ଦୋକନରୁ ଉପରୋକ୍ତ ଜିନିଷ କିଣି ଚିକିତ୍ସାରେ ଲଗାଉଛନ୍ତି। ଏ ସମ୍ପର୍କରେ ରାଜକନିକା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଅଧିକାରୀ ଡା. ପ୍ରମୋଦ କୁମାର ପ୍ରହରାଜଙ୍କୁ ପଚାରିବାରେ ଏହା ସମ୍ପୂର୍ଣ୍ଣ ମିଥ୍ୟା। ସେ କ୍ୱାର୍ଟର୍ସ ଅନ୍ୟଜଣଙ୍କୁ ଆଲର୍ଟମେଣ୍ଟ ହୋଇଛି। ଯେହେତୁ ତାଙ୍କର ଅସୁବିଧା ଅଛି ସେ ତାଙ୍କ ସହ କଥା ହୋଇ ନନ୍ ଅଫିସିଆଲ ଭାବେ ରହୁଛନ୍ତି। ମୋ ନାମରେ ଆଣିଥିବା ଅଭିଯୋଗ ଭିତ୍ତିହୀନ। ଏ ସମ୍ପର୍କରେ କିରାଣି ମହାପାତ୍ରଙ୍କୁ ପଚାରିବାରେ ଯେଉଁ କ୍ୱାର୍ଟର୍ସରେ ମୋ ବନ୍ଧୁ ରହୁଛନ୍ତି ତାହା ଅନ୍ୟ ଜଣକ ନାମରେ ଆଲର୍ଟମେଣ୍ଟ ହୋଇଛି। ମୁଁ ତାଙ୍କୁ କିଛିଦିନ ପାଇଁ ଅନୁରୋଧ କରି ସମ୍ପର୍କିୟଙ୍କୁ ରଖିଛି ବୋଲି ସେ କହିଛନ୍ତି।
