ଭୁବନେଶ୍ୱର,୧୯।୧୧; ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତିକରଣ ବିଭାଗରେ ପୂରଣ ହେବାକୁ ଯାଉଛି ଅନେକ ପଦ । ଏନେଇ ଓଡ଼ିଶା କର୍ମଚାରୀ ଚୟନ ଆୟୋଗ (ଓଏସଏସସି) ତରଫରୁ ଏକ ବିଜ୍ଞପ୍ତି ପ୍ରକାଶ ପାଇଛି । ମୋଟ ୩୨୪ ଜଣ ମୃତ୍ତିକା ସଂରକ୍ଷଣ ସମ୍ପ୍ରସାରଣ କାର୍ଯ୍ୟକର୍ତ୍ତାଙ୍କୁ ଏହି ନିଯୁକ୍ତି ଦିଆଯିବ । ନଭେମ୍ବର ୨୭ରୁ ଏଥିପାଇଁ ଆବେଦନ ପ୍ରକ୍ରିୟା ଆରମ୍ଭ ହୋଇ ଡିସେମ୍ବର ୨୬ରେ ଶେଷ ହେବ ।
ସେହିପରି ଅନଲାଇନ ଆପ୍ଲିକେଶନ ଫର୍ମ ସବମିଶନ ବା ଆବେଦନର ଶେଷ ତାରିଖ ଡିସେମ୍ବର ୨୯ ରହିଥିବାବେଳେ ଫର୍ମ ସଂଶୋଧନର ଶେଷ ତାରିଖ ଜାନୁଆରୀ ୧ ତାରିଖ ରହିଥିବା ଜଣାପଡିଛି । ଇଚ୍ଛୁକ ପ୍ରାର୍ଥୀମାନେ ଅଫିସିଆଲ ୱେବସାଇଟକୁ ଯାଇ ଏହି ନିଯୁକ୍ତିର ସବିଶେଷ ତଥ୍ୟ ଜାଣି ପାରିବେ ।
ଅଣସଂରକ୍ଷିତ, ଶିକ୍ଷା ଓ ସାମାଜିକ କ୍ଷେତ୍ରରେ ପଛୁଆ ଶ୍ରେଣୀ (ଏସଇବିସି), ଅନୁସୂଚିତ ଜାତି (ଏସସି), ଅନୁସୂଚିତ ଜନଜାତି (ଏସଟି) ବର୍ଗର ପ୍ରାର୍ଥୀଙ୍କ ପାଇଁ ଏଥିରେ ପଦ ସଂରକ୍ଷିତ ରହିଛି । ପ୍ରାର୍ଥୀ ଯେ କୌଣସି ସ୍ବୀକୃତିପ୍ରାପ୍ତ ବିଶ୍ୱବିଦ୍ୟାଳୟ / ଶିକ୍ଷାନୁଷ୍ଠାନର କୃଷି ସମ୍ପନ୍ଧୀୟ ବିଷୟରେ ଯୁକ୍ତଦୁଇ ବିଜ୍ଞାନ କିମ୍ବା ଧନ୍ଦାମୂଳକ ଶିକ୍ଷା ପାସ କରିଥିବେ । ଚଳିତ ବର୍ଷ ଜାନୁଆରୀ ମାସ ପହିଲା ସୁଦ୍ଧା ପ୍ରାର୍ଥୀଙ୍କର ବୟସ ଯୋଗ୍ୟତା ୨୧ରୁ ୩୮ ବର୍ଷ ମଧ୍ୟରେ ରହିଥିବା ଆବଶ୍ୟକ । ବୟସ କୋହଳ ନିୟମ ଅନୁଯାୟୀ ଧାର୍ଯ୍ୟ କରାଯିବ । ପ୍ରିଲିମିନାରୀ ପରୀକ୍ଷା, ମୁଖ୍ୟ ଲିଖିତ ପରୀକ୍ଷା ଓ ସାର୍ଟିଫିକେଟ ଯାଞ୍ଚ ଆଦି ତିନୋଟି ପର୍ଯ୍ୟାୟ ମାଧ୍ୟମରେ ଯୋଗ୍ୟ ପ୍ରାର୍ଥୀଙ୍କୁ ଚୟନ କରାଯିବ ।
ଓଏସଏସସିରେ ଆବେଦନ କରିବା ପାଇଁ ପ୍ରଥମେ ଏହାର ଅଫିସିଆଲ ଓ୍ବେସାଇଟ୍ ossc.gov.in କୁ ଲଗ୍ଇନ୍ କରନ୍ତୁ। ଏହାପରେ ରିକ୍ୟୁଆରମେଣ୍ଟ ଟ୍ୟାବକୁ କ୍ଲିକ୍ କରନ୍ତୁ। Combined Higher Secondary (CHS) Recruitment 2024 ଲିଙ୍କ୍କୁ ସିଲେକ୍ଟ କରନ୍ତୁ। ଯୋଗ୍ୟ ବିବେଚିତ ହେବା ପରେ OSSC CHSL Apply Online ଲିଙ୍କ୍କୁ ଯାଆନ୍ତୁ। ଏହାପରେ ଫର୍ମ ପୂରଣ କରନ୍ତ
