ଭୁବନେଶ୍ୱର,୧୪।୨: ଭରଣପୋଷଣ ମାମଲାରେ ସମ୍ପତ୍ତି ପ୍ରକାଶ ପାଇଁ ସୁପ୍ରିମକୋର୍ଟଙ୍କ ନିର୍ଦ୍ଦେଶାବଳୀ ପାଳନ ନକରିବାରୁ ଓଡ଼ିଶା ହାଇକୋର୍ଟ ଦୃଢ଼ ପ୍ରତିକ୍ରିୟା ପ୍ରକାଶ କରିଛନ୍ତି। ନିକଟରେ ଏକ ମାମଲାର ଶୁଣାଣି ସମୟରେ ବିଚାରପତି ଗୌରୀଶଙ୍କର ଶତପଥୀ ଏକ ଫ୍ୟାମିଲି କୋର୍ଟ ଏହି ନିର୍ଦ୍ଦେଶାବଳୀ ପାଳନ କରିବାରେ ବିଫଳତା ଉପରେ ଅସନ୍ତୋଷ ପ୍ରକାଶ କରିଛନ୍ତି।
ହାଇକୋର୍ଟ ଗୁରୁତ୍ୱାରୋପ କରିଛନ୍ତି ଯେ ଯେତେବେଳେ ସୁପ୍ରିମକୋର୍ଟର ନିଷ୍ପତ୍ତିରେ ବର୍ଣ୍ଣିତ ନୀତିଗୁଡ଼ିକ ପାଳନ କରିବାକୁ ବାଧ୍ୟତାମୂଳକନ କରାଯାଛି, ନିମ୍ନ ଅଦାଲତଗୁଡ଼ିକ ମଧ୍ୟ ଏହା ପାଳନ କରିବାକୁ ବାଧ୍ୟ। ୪୨୦୦୦ ଟଙ୍କା ମାସିକ ଦରମା ଥିବା ଆବେଦନକାରୀ ସ୍ୱାମୀଙ୍କୁ ପ୍ରତିମାସ ୪୧୦୦୦ ଟଙ୍କା ଦେବାକୁ ନିର୍ଦ୍ଦେଶ ଦିଆଯିବା ପରେ ହାଇକୋର୍ଟର ଏହି ମତାମତ ଆସିଛି।
ଆବେଦନକାରୀ-ସ୍ୱାମୀଙ୍କ ପକ୍ଷରୁ ଉପସ୍ଥିତ ଓକିଲ କୋର୍ଟଙ୍କୁ ଜଣାଇଥିଲେ ଯେ ରାଜନେଶ ବନାମ ନେହା (୨୦୨୦) ର ଐତିହାସିକ ମାମଲାରେ ସୁପ୍ରିମକୋର୍ଟଙ୍କ ରାୟ ଅନୁଯାୟୀ ବାଧ୍ୟତାମୂଳକ ଭାବରେ ଉଭୟ ପକ୍ଷ ସେମାନଙ୍କର ସମ୍ପତ୍ତି ପ୍ରକାଶ କରିବା ପାଇଁ କୌଣସି ସତ୍ୟପାଠ ଦାଖଲ କରିନାହାଁନ୍ତି।
“ଯେତେବେଳେ ନିଷ୍ପତ୍ତିରେ ପ୍ରକାଶିତ ନୀତିକୁ ବାଧ୍ୟତାମୂଳକ ଭାବରେ ପାଳନ କରିବାକୁ ନିର୍ଦ୍ଦେଶ ଦିଆଯାଏ। ସେତେବେଳେ ସମ୍ପୃକ୍ତ କୋର୍ଟ ଏପରି ନିର୍ଦ୍ଦେଶାବଳୀ ପାଳନ କରିବାକୁ ବାଧ୍ୟ, କିନ୍ତୁ ଏହି କ୍ଷେତ୍ରରେ, ଟ୍ରାଏଲ୍ କୋର୍ଟ ରାଜନେଶ (ସୁପ୍ରା) ରେ ଜାରି ନିର୍ଦ୍ଦେଶାବଳୀର ବ୍ୟବସ୍ଥା ପାଳନ କରି ନାହାଁନ୍ତି। ତେଣୁ ରାଜନେଶ (ସୁପ୍ରା) ର ନିର୍ଦ୍ଦେଶାବଳୀ ପାଳନ କରି ଆଇନ ଅନୁଯାୟୀ ନୂତନ ସମାଧାନ ପାଇଁ ମାମଲାକୁ ଖାରଜ ପଡିବ,” ଜଷ୍ଟିସ୍ ଗୌରୀଶଙ୍କର ଶତପଥୀଙ୍କ ଏକକ ଖଣ୍ଡପୀଠ ମତ ଦେଇଛନ୍ତି।
“ଏହା ସ୍ପଷ୍ଟ କରାଯାଇଛି ଯେ ଟ୍ରାଏଲ୍ କୋର୍ଟ ମାମଲାକୁ ନୂତନ ଭାବରେ ବିଚାର କରିବା ସମୟରେ ପକ୍ଷମାନଙ୍କଠାରୁ ପ୍ରକାଶନ ସତ୍ୟପାଠ ଗ୍ରହଣ କରିପାରିବେ ଏବଂ ରାଜନେଶ (ସୁପ୍ରା) ରେ ସର୍ବୋଚ୍ଚ ଅଦାଲତର ବାଧ୍ୟତାମୂଳକ ନିର୍ଦ୍ଦେଶାବଳୀକୁ ବିଚାର କରି ପ୍ରକାଶ ସତ୍ୟପାଠର ଦିଗ ଉପରେ ପ୍ରମାଣ ପ୍ରଦାନ କରିବାକୁ ସୁଯୋଗ ପ୍ରଦାନ କରିପାରିବେ,” ବୋଲି କୋର୍ଟ ସ୍ପଷ୍ଟ କରିଛନ୍ତି।
