ଭଞ୍ଜନଗର,୨୦ା୧୦(ବାବୁଲା ପ୍ରଧାନ): ଭଞ୍ଜନଗର ନିୟନ୍ତ୍ରିତ ବଜାର କମିଟି ସଭାଗୃହରେ ରବିବାର ଲୋହାରାଖଣ୍ଡି ସାହିତ୍ୟ ସଂସଦର ୨୩ ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଲୋକ ସେବା ମଣ୍ଡଳର ଆଜୀବନ ସଭ୍ୟ ତଥା ଅଙ୍ଗଦାନ ସଂଘର ମୁଖ୍ୟ ପ୍ରଭାସ ଆଚାର୍ଯ୍ୟ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ଅଙ୍ଗଦାନ କରିବା ଏକ ମହତକାର୍ଯ୍ୟ ବୋଲି ସେ ଏହି ଅବସରରେ କହିଥିଲେ। ମୃତ ବ୍ୟକ୍ତିଙ୍କ କିଛି ଅଙ୍ଗ ଯଦି ଜୀବନମରଣ ସହ ସଂଘର୍ଷ କରୁଥିବା କୌଣସି ଲୋକଙ୍କୁ ଦାନ କରାଯାଏ ଏବଂ ମୃତ ଶରୀରକୁ ବିଭିନ୍ନ ଗବେଷଣା କେନ୍ଦ୍ରକୁ ଉତ୍ସର୍ଗ କରାଯାଏ ତେବେ ତାହା ଭଗବାନଙ୍କ ପ୍ରତି ସମର୍ପଣ ହେବ। ତେଣୁ ଅଧିକ ଲୋକ ଅଙ୍ଗଦାନ ପ୍ରତି ଆଗ୍ରହ ପ୍ରକାଶ କରିବା ପାଇଁ ସେ ଆହ୍ବାନ ଦେଇଥିଲେ। ସେହିପରି ସେବା ମନୋବୃତ୍ତି ହିଁ ସାହିତ୍ୟକୁ ଆଗକୁ ନେଇପାରିବ ବୋଲି ଅନ୍ୟ ବକ୍ତାମାନେ କହିଥିଲେ। ସଂସଦର ଉପଦେଷ୍ଟା ବି ଗୋବିନ୍ଦ ରାଓ ସଭାରେ ଅଧ୍ୟକ୍ଷତା କରିଥିଲେ । ସମ୍ମାନିତ ଅତିଥି ଭାବେ ରୋଟାରୀ କ୍ଲବ ଭଞ୍ଜନଗର ସଭାପତି ରଞ୍ଜିତ କୁମାର ବାରିକ, ଉପଖଣ୍ଡ ଅବସରପ୍ରାପ୍ତ ସୈନିକ ସଂଘର ସଭାପତି ମହେନ୍ଦ୍ର କୁମାର ସ୍ବାଇଁ, ସଭାପତି ଡ. ଅଶୋକ କୁମାର ଷଡ଼ଙ୍ଗୀ, କାର୍ଯ୍ୟକାରୀ ସଭାପତି ପ୍ରଦୀପ କୁମାର ସ୍ବାଇଁ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ। ସମ୍ପାଦକ ଚିନ୍ମୟ ବେବର୍ତ୍ତା ବିବରଣୀ ପାଠ କରିଥିଲେ। ପରଜାପତି ସମ୍ପାଦିକା ବିଜୟ ଲକ୍ଷ୍ମୀ ପାଣିଗ୍ରାହୀ ସଭାକୁ ସଂଯୋଜନା କରିଥିଲେ। ଦ୍ୱିତୀୟ ଅଧିବେଶନରେ କବି ପ୍ରଶାନ୍ତ ମହାନ୍ତି ମୁଖ୍ୟ ଅତିଥି, ବୁଗୁଡ଼ା ପିପୁଲ୍ସ କଲେଜର ଅଧ୍ୟାପକ ଡ ହିମାଂଶୁ ଶେଖର ରଥ, ଡ ସିତୁପ୍ରକାଶ ରଥ ,ପରିଚାଳନା ସମ୍ପାଦିକା ପ୍ରଭାତୀ ମଞ୍ଜରୀ ବେହେରା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ତୃତୀୟ ଅଧିବେଶନରେ ବେଲଗୁଣ୍ଠା ମହିଳା ମହାବିଦ୍ୟାଳୟ ଅଧ୍ୟକ୍ଷା ଡ ସଞ୍ଜୁକ୍ତା ପଣ୍ଡା ମୁଖ୍ୟ ଅତିଥି, ରିତାରାଣି ମହାପାତ୍ର, ସୁବାଷ ତାରିଣୀ, ପୁରୁଷୋତ୍ତମ ମହାପାତ୍ର, ତ୍ରିନାଥ ବେହେରା, ରଞ୍ଜୁଲତା ବେହେରା, ଦଣ୍ଡପାଣି ପ୍ରଧାନ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ସାଂଗଠନିକ ସମ୍ପାଦିକା କଳ୍ପନା କୁମାରୀ ପ୍ରଧାନ ସଭା ସଂଯୋଜନା କରିଥିଲେ। ଏହି ଅବସରରେ ସୁବାଷ ତାରିଣୀ ଙ୍କ ବର୍ଣବିଭା, ଭାଗିରଥି ବେହେରାଙ୍କ ଉପନ୍ୟାସ ପୁସ୍ତକ ତୃତୀୟ ପୁରୁଷ ଅତିଥି ମାନଙ୍କ ଦ୍ବାରା ଉନ୍ମୋଚିତ ହୋଇଥିଲା। ରାଜୀବ ଲୋଚନ ପାଣିଗ୍ରାହୀଙ୍କ କବିତା ପୁସ୍ତକ ସପ୍ତଫେଣିର ଫୁଲ, ନଳିନୀ ପ୍ରଭା ମିଶ୍ରଙ୍କ କବିତା ପୁସ୍ତକ ଅସ୍ତରାଗ, ପ୍ରସନ୍ନ କୁମାର ଦାସଙ୍କ ଶିଶୁ ଗଳ୍ପ ଆମ ପୌରାଣିକ ଚରିତ୍ର, କଳ୍ପନା କୁମାରୀ ପ୍ରଧାନଙ୍କ କବିତା ପୁସ୍ତକ ସମନ୍ବୟ ଏବଂ ଗଳ୍ପ ପୁସ୍ତକ ସାୟାହ୍ନ୍ର ସୂର୍ଯ୍ୟ , ବୈଷ୍ଠବ ଚରଣ ଦାସଙ୍କ ପ୍ରବନ୍ଧ ସଂସ୍କୃତି ସଞ୍ଚୟନ ଏବଂ ପ୍ରତିଭା କୁମାରୀ ପାଢୀଙ୍କ ଶିଶୁ ଗଳ୍ପ ପୁସ୍ତକ ଶିଶୁଙ୍କ ଶିକ୍ଷଣୀୟ ଗୀତ ଉନ୍ମୋଚିତ
Dharitri – Odisha’s No.1 Odia Daily
ହୋଇଥିଲା।
