କେନ୍ଦୁଝର,୨୦।୧(ସ୍ବ.ପ୍ର.): କେନ୍ଦ୍ର ସରକାରଙ୍କ ତିନି ନୂଆ କୃଷି ଆଇନକୁ ବିରୋଧ କରି ବୁଧବାର ଅଲ୍ ଇଣ୍ଡିଆ କିଷାନ କ୍ଷେତ ମଜଦୁର ସଙ୍ଗଠନ ପକ୍ଷରୁ କେନ୍ଦୁଝର ଠାରେ ଏକ ପ୍ରତିବାଦ ଶୋଭାଯାତ୍ରା ଅନୁଷ୍ଠିତ ହୋଇଥିଲା। ଅତ୍ୟାବଶ୍ୟକୀୟ ସାମଗ୍ରୀ ସଂଶୋଧନ ଆଇନ, ଘରୋଇ ମଣ୍ଡି ଆଇନ, ଚୁକ୍ତିଚାଷ ଆଇନକୁ ରଦ୍ଦ କରିବାକୁ ଦାବି କରିଥିଲେ। ଜିଲାର ବହୁ କୃଷକ ସାମିଲ ହୋଇ କେନ୍ଦ୍ର ବିରୋଧରେ ସ୍ଲୋଗାନ ଦେଇ ଜିଲାପାଳଙ୍କ କାର୍ଯ୍ୟାଳୟରେ ପହଞ୍ଚି ବିକ୍ଷୋଭ ପ୍ରଦର୍ଶନ କରିଥିଲେ। ନୂଆ କୃଷି ଆଇନକୁ ଚାଷୀ ବିରୋଧୀ ଦର୍ଶାଇ ଏହାକୁ ପ୍ରତ୍ୟାହାର କରାଯାଉ ବୋଲି ସଙ୍ଗଠନର ରାଜ୍ୟ ସମ୍ପାଦକ ରଘୁନାଥ ଦାଶ କହିଥିଲେ। ବରିଷ୍ଠ କୃଷକ ନେତା କମ୍ରେଡ଼ ଘନଶ୍ୟାମ ମହାନ୍ତ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା। ଏହି ଆଇନ ଦ୍ୱାରା କୃଷକ ମାନେ କ୍ଷତିଗ୍ରସ୍ତ ହେବ ଏବଂ ପୁଞ୍ଜିପତିମାନେ ଅଧିକ ଲାଭବାନ ହେବେ ବୋଲି କମ୍ରେଡ ପ୍ରକାଶ ମଲ୍ଲିକ, କମ୍ରେଡ ବେଣୁଧର ସର୍ଦ୍ଦାର ପ୍ରମୁଖ ପ୍ରକାଶ କରିଥିଲେ।
