ବୈଶିଙ୍ଗା,୨୫|୧(ରତନ ଦାଶ): ମୟୂରଭଞ୍ଜ ଜିଲାର ବୈଶିଙ୍ଗା ଥାନା ଅର୍ନ୍ତଗତ ୧୮ ନଂ ଜାତୀୟ ରାଜପଥର ଗଡଦେଉଳିଆ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ରବିବାର ଦିନ ୨ଟା୩୦ ସମୟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଯାଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣାପଡିଛି ।
ମିଳିଥିବା ସୂଚନା ମୁତାବକ ଗାୟତ୍ରୀ ଗୁରୁକୂଳ ଆଶ୍ରମର ଅଧ୍ୟକ୍ଷ ହେମନ୍ତ କୁମାର ପଣ୍ଡା କାର୍ ଚଳାଉଥିବା ବେଳେ ଗଞ୍ଜାମ ଜିଲ୍ଲା ଓସ୍ତପୁର ଗ୍ରାମର ଏମ୍ ଭାଗିରଥି ଦୋରା ତାଙ୍କ ବାମ ପାର୍ଶ୍ୱରେ ବସି ବୈଶିଙ୍ଗା ଅଭିମୁଖେ ଯାତ୍ରା କରୁଥିଲେ। ତେବେ ସମ୍ମୁଖରୁ ଏକ ମାଲବାହୀ ଟ୍ରକ ରଙ୍ଗ୍ ରୁଟରେ ଆସି କାରକୁ ଧକ୍କା ଦେଇଥିଲା। ଘଟଣାସ୍ଥଳରେ ଏମ୍ ଭାଗିରଥି ଦୋରାଙ୍କ ମୃତ୍ୟୁ ହୋଇଯାଇଥିବା ବେଳେ ଚାଳକ ହେମନ୍ତ ପଣ୍ଡା ଗୁରୁତର ଆହତ ହୋଇଥିଲେ । ତାଙ୍କୁ ବୈଶିଙ୍ଗା ପୋଲିସ ସହାୟତାରେ ବାଲେଶ୍ଵର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।
ତେବେ ଦୁର୍ଘଟଣାପରେ ସ୍ଥାନୀୟ ଅଞ୍ଚଳରେ ତୀବ୍ର ଉତ୍ତେଜନା ଦେଖାଯାଇଥିଲା ଏବଂ ଲୋକମାନେ ରାସ୍ତା ଅବରୋଧ କରିଥିଲେ । ତେବେ ପୋଲିସ ପହଞ୍ଚି ଏକ ଘଣ୍ଟା ପରେ ଗାଡ଼ିମଟର ଚଳାଚଳ ସ୍ଵାଭାବିକ କରାଇଥିଲେ ।
