ପାଟନା,୨୫ା୨: ବିହାର ବକ୍ସର ଜିଲାର ମୁଫସିଲ ଥାନା ଅଞ୍ଚଳର ଚୌସାର ମଲ୍ଲାହ ଟୋଲିରେ ବିବାହ ଉତ୍ସବ ହଠାତ୍ ଦୁଃଖରେ ପରିଣତ ହୋଇଗଲା। ମଞ୍ଚରେ ବରଣମାଳା ସମାରୋହ ଚାଲିଥିଲା ବେଳେ ପ୍ରେମିକ ମଞ୍ଚ ଉପରେ ହିଁ କନ୍ୟାକୁ ଗୁଳି କରିଥିଲେ । ଗୁଳି କନ୍ୟାର ପେଟରେ ବାଜିଲା। ପରିବାର ସଦସ୍ୟମାନେ କହିଛନ୍ତି ଯେ ରାତିରେ ମଞ୍ଚ ଉପରେ ବରଣମାଳା ସମାରୋହ ଚାଲିଥିଲା, ସମସ୍ତେ ନାଚଗୀତ କରିବାରେ ବ୍ୟସ୍ତ ଥିଲେ, ହଠାତ୍ କନ୍ୟାର ପୂର୍ବତନ ପ୍ରେମିକ ମଞ୍ଚ ଉପରେ ହିଁ କନ୍ୟାକୁ ଗୁଳି କରିଦେଲେ ।
ତେବେ ଏଥିରେ କନ୍ୟା ଗୁରୁତର ଆହତ ହୋଇଛନ୍ତି । ଏହା ପରେ କନ୍ୟାକୁ ବକ୍ସର ସଦର ହସ୍ପିଟାଲକୁ ନିଆଯାଇଥିଲା। ଯେଉଁଠାରେ ପ୍ରାଥମିକ ଚିକିତ୍ସା ପରେ ତାଙ୍କୁ ବାରାଣସୀ ରେଫର କରାଯାଇଥିଲା। ଗୁଳି ଚଳାଇବା ପରେ ପ୍ରେମିକ ସେଠାରୁ ଫେରାର ହୋଇଯାଇଛନ୍ତି । କନ୍ୟାର ପରିଚୟ ଆରତୀ କୁମାରୀ, ପିତା ନନ୍ଦ ଜୀ ମଲ୍ଲାହ ବୋଲି ଜଣାପଡିଛି।
ରିପୋର୍ଟ ଅନୁସାରେ, ଉତ୍ତର ପ୍ରଦେଶର ବାଲିଆ ଜିଲାର ସୁଲେମାନପୁର ଗାଁରୁ ବିବାହ ଶୋଭାଯାତ୍ରା ଚୌସାକୁ ଆସିଥିଲା। ରାତିରେ ବରମାଳା ଉତ୍ସବ ଚାଲିଥିଲା। ମଞ୍ଚରେ ବର ଏବଂ କନ୍ୟା ଉପସ୍ଥିତ ଥିଲେ ଏବଂ ଉଭୟ ପରିବାରର ସମ୍ପର୍କୀୟମାନେ ଦେଖୁଥିଲେ। ଏହି ସମୟରେ, ମୁହଁ ଘୋଡ଼ାଇ ଜଣେ ବ୍ୟକ୍ତି ମଞ୍ଚ ନିକଟକୁ ଆସି କନ୍ୟା ଆରତୀଙ୍କୁ ଗୁଳି କଲେ। ଆରତୀ ମଞ୍ଚ ଉପରେ ପଡ଼ିଗଲେ ଏବଂ କହିଲେ, “ଦିନବନ୍ଧୁ ମୋତେ ଗୁଳି କରିଥିଲେ।”
ମିଳିଥିବା ସୂଚନା ଅନୁଯାୟୀ, ଦୀନବନ୍ଧୁ କନ୍ୟାର ପଡ଼ୋଶୀ ଏବଂ ଏହି ମାମଲା ପ୍ରେମ ସମ୍ପର୍କିତ ବୋଲି ବିଶ୍ୱାସ କରାଯାଉଛି। ଦୀନବନ୍ଧୁ ଆରତୀଙ୍କୁ ଏକତରଫା ପ୍ରେମ କରୁଥିଲେ ଏବଂ ପୂର୍ବରୁ ଅନେକ ଥର ତାଙ୍କ ବିବାହ ଭାଙ୍ଗିବାକୁ ଚେଷ୍ଟା କରିଥିଲେ। ବକ୍ସର ପୋଲିସ ସୁପରିଣ୍ଟେଣ୍ଡେଣ୍ଟ ଶୁଭମ ଆର୍ଯ୍ୟ ଘଟଣାସ୍ଥଳରେ ପହଞ୍ଚି ସୂଚନା ଦେଇଛନ୍ତି ଯେ ମଙ୍ଗଳବାର ରାତିରେ ଏହି ଘଟଣା ଘଟିଛି। ଜଣଙ୍କୁ ଅଟକ ରଖାଯାଇଛି ଏବଂ ତାଙ୍କୁ ପଚରାଉଚରା କରାଯାଉଛି। ଗୁଳି ଚଳାଇଥିବା ଯୁବକଙ୍କୁ ଚିହ୍ନଟ କରାଯାଇଛି, ଏବଂ ତାଙ୍କୁ ଧରିବା ପାଇଁ ଚଢାଉ ଜାରି ରହିଛି।
